Matiyò 26:10 - Mokpwe: Bakwery (New Testament)

¹⁰ Yerzù à mà hwiya mamɛ ema hwa mà hwɛ lì òhwa, rzìi à hwa ijòwa nanù ema, “Mamɛ ndeŋgatɛ è tàkìrzɛ̀ ònò mòlanà e? À nò gbèèlì ndi eyà yà gbamù.

Matiyò 26:10 Mawu Ofanana

Matiyò 26:11

È ò òhva mèlìrza mè hwatò nà inyɔ ì hvònda jà arzɛ ndì è rza ò nò òhva imba ì hvònda jà arzɛ.

Matiyò 26:9

Ò mà lìni lìyɔ̀kì lì àhwirzɛ̀hwɛ̀ mòrzurzèlì mò jɔ̀kɛ̀ rzìi iŋgi kahvà ì ŋgbàahwa mèlìrza mè hwatò.”

Makòrzì 14:6

Yerzù rzìi à hwa òhweyà nanù ema, “È mò hwɛ̀mɛ mamɛ è mò tàkirzɛnɛ à nò gbèèlì ndi eyà yà gbamù.

Lukàrzɛ̀ 8:49

Nà òmà Yerzù a mà hwɛ lì òhwà nanù, mòtò mɔ̀kɔ à mà uhwɛlɛlɛ̀ ò ndawò yà ama Jàrìyɔ̀rzɛ̀. Rzìi à òhweyà Jàrìyɔ̀rzɛ̀ nanù ema, “È ŋmanà ŋgɔ̀ndɔ̀ wà aŋgɔ̀ à mà màà lì ŋwa. O èŋgànɛ̀lɛ̀ ò rza tàkìrzɛ̀ è Mòòkòlèlì hvɛ.”

2 Kɔ̀rintìyà 9:8

Lohwɛ̀ a e ŋgba hwèèmà hwe arzɛ ema e arza, aŋga nanù oma inyɔ e ma ohva hwèèmà hwe arzɛ ema ya arza, oma inyɔ hvɛ e ma oŋgòwànà hwahvɛhvɛ hwatò. Ène ye e gbeyà nanù ema e gbèeyà hwatò hweyà hwe rzayi-rzayi hwe gbamù.

Gàletìyà 1:7

O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

Gàletìyà 5:12

Nà àhvìtɛ̀ nanù ema hwaŋga hwatò ema hwa e emirzɛ hwa ɛndɛ ndi o worzo, inyɛ hwa ɛndɛ o worzo hwa a agbɛɛ wɔ̀ hwiti.

Gàletìyà 6:17

O lì umba ene kààtì, na e ohweyà nanù ema, tɔ̀ mòtò a rzi no tàkìrzɛ̀nɛ hwene hweyà, èhwanja na ohvi hwetɛndɛ anu nyo ya ami, ema hwe uŋmɛ̀lɛ̀ nanù ema imba na gbèeyà ndi Yerzù.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

2 Tɛ̀rzàlonìyà 2:17

Inyɛ̀ à yè etìrzɛ mèèmà mè anyu, ndèŋgànɛlɛ inyɛ à yè ètìrzɛ̀ ò ihvonda jà arzɛ ò lì gbeyà nà lì ohwa hweyà hwe gbamù.

1 Tìmotì 3:1

Hweyohwèlì hwe jɔ̀kɛ̀ hwe ene. Tɔ̀ ima mòtò ema a arza o lì hwɛ e mòtimbèlì o ŋmèmba, nanù oma a hvɔ̀rzì ndi èwòlò ya gbamù.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

2 Tìmotì 2:21

Tɔ ima mòtò ema a rzɔnjɛ̀lɛ̀ lì gbeyà la hweyà hwe mbindo, à ò hwɛ ndi nàa màlùkù mà mèyɔnjɔ ema me gbeyànɛhwɛ o ndèma yà towotowo. Oŋgo mòtò a ondi wòrzaŋgi ndèŋgàna e Rzàŋgo ya eni e mo gbeyàna. Ndèŋgana oŋgo mòtò a woŋgirzɛnɛyi o lì gbeyà eyà yà gbamù o tɔ̀ ima hvonda.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Tàyìtùrzì 3:1

Ìi Tàyìtùrzì kòkò, o ɔ̀ŋgɛ̀lɛ̀nɛ hwatò nanù ema hwa arzìhwìrzɛ̀lɛ̀lɛ̀ hwàkànèlì nà hwàtìmbèlì hwa awu. È hwa hweyàne, na o lì wòŋgirzɛnɛ o lì gbeyà tɔ̀ mamɛ ema e hwèlì gbamù.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.