Èhwanja hwaŋga ema hwa rza hwiyɛ̀ Lohwɛ̀ wɔ̀ hwa eyàa rzayi-rzayi ò lì lùwà hwene hwèmà hwe arzɛ. Ndi Tatɛ̀ wà anyu wà ŋmanyu, à hwi ema è endèli hwenè hwèmà hwe arzɛ.
Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema à hwèlì ò ŋmanyu yà Lohwà. Nɛ à rzà ŋgbà màhwèyà mà gbamù ò hwatò ema hwa mò ijòwi e?
Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.
Irzàŋgo ja arzu ja anu rze ya mɔ̀nyɛ̀, hwà mà jo kɔ̀kìrzɛ̀ lì hvomɛ̀nɛ̀ wòhwe ema i ma gbèye ndèŋgàna i hwa ŋgbà èluhwe. O eŋgànɛ̀lɛ̀ rzɔ ja àŋgàmɛ̀nɛ̀ o lì ŋgba Tatɛ̀ hwa arzu ema a hwèlì o ŋmanyu ya Lohwà èluhwe lì aka nanù aŋga nanù i hwɛ lòŋgɛ.
È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.