Matiyò 22:7 - Mokpwe: Bakwery (New Testament)

⁷ Eŋge kiŋgɛ e ma òhva hwetàtò hwe ndɛnɛ. Rzi a òma hwàànèlì hwa eni hwa njùma, ema hwa ɛ̀ndɛ hwa òŋwe hwaŋga hwatò ema hwa òŋwi hwatò na lì rzɛlɛ eŋge mbòwà ya awu ya arzɛ.

Matiyò 22:7 Mawu Ofanana

Matiyò 22:6

Hwanɛyi hwatò hvɛ ema hwà mà yòhwɛhwɛ, hwà mà lɛmbɛ hwaŋga hwàgbèèlì hwa ama eŋge kiŋgɛ. Hwa hwà gbiyɛ hvònji natɛ̀ɛ hwa hwà òŋwa.

Matiyò 22:8

Eŋge kiŋgɛ rzi e òhweyà hwàgbèèlì hwe eni nanù ema, ‘È ndèma ya lìhwa e ma wòŋgirzɛnɛ, ndi hwaŋga hwatò ema nà mà yòwɛ hwa rzi kanɛ̀ ò lì ùkeya ò e ndèma ya ami.

Lukàrzɛ̀ 19:27

Ò nàŋgɛ nanù, hwaŋga hwa arzɛ ema hwa nò kɔ̀wu, ema hwa rza àrza ema nà hwɛ è kiŋgɛ̀ yà àwu, è hwa jànè anù. È hwa òŋwe ò wòrzò wò amì.’”

Lukàrzɛ̀ 21:21

È hwa Jùdeyà, hwa ò hwaŋga lì ɛndɛ lì utàmà ò hvàko. È wɔ̀ ema hwa hwèlì ò èŋge mbòwà wɔ̀ hvɛ hwa àŋgàmɛ̀nɛ̀yi lì hwaŋga ò lì anjiya ò èŋge mbòwà. Hwàŋga hvɛ ema hwa hwèlì ò hwehvɛhvɛ hwèkòmè, hwa rzì kèka lì jà ò lì kpèeyà ò e mbòwà ya Jèrurzalɛ̀mù.

Lukàrzɛ̀ 21:24

Hwàŋga hwatò hwa ŋwa ò njùma. Hwa lɛ̀mbɛ lòŋgò là hwaŋga hwatò nàa hwàkutu, rzìi hwa hwà ɛ̀ndɛ̀nɛ̀ ò hwehvɛhvɛ hwèkòmè. Hwàŋga hwatò ema hwa rza enje wònyà Yudà hwa ò nyɔ̀kɔ̀ Jèrurzalɛ̀mù nà matàŋgà mà awu, natɛ̀ɛ è hvònda ema Lohwɛ̀ à mà ika, è uka ò lìrzùkù.”

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.