Matiyò 22:12 - Mokpwe: Bakwery (New Testament)

¹² À mà mò ijòwa nanù ema, ‘Ìi mbunda wa ami, nɛ ò wa ò kpɛlɛlɛyi anù òma ema ò rza wɔtɛ lìhwatù la lìhwa e?’ Oŋgò mòtò a rza òhve tɔ̀ eyà ya lì òhwa.

Matiyò 22:12 Mawu Ofanana

Matiyò 20:13

È mòhwɛnɛ wa hvaya à mà alàhwɛ̀ mɔ̀kɔ wa awu nanù ema, ‘Ŋmàyi kòkò, rzeketɛ ema na e ɔ̀nji, rzeke e hwèlì ndi e jɔ̀kɛ̀ nanù ema e emeyà mòrzawèlì mò wùnyà wɔ̀kɔ e?

Matiyò 26:50

Yerzù rzìi a mò alàhwɛ̀ nanù ema, “Ìi ŋmàyi ɛ̀ndɛ ò wòrzò gbeyà mamɛ ò jɛlɛlɛ.” Hwaŋga hwatò rzìi hwa jà, hwà mà hvɔ̀ɔtɔ̀ Yerzù, rzìi hwa mò lɛmbɛ kɛlɛtɛ.

Matiyò 5:20

O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

Tàyìtùrzì 3:11

O hwiye nanù ema eŋge nyayi ya mòtò e hwèlì wòhwe ndèŋgànɛ̀lɛ̀ a gbeyà wòhwe. Wòhwe ema a gbeye wo uŋmɛ̀lɛ̀ nanù ema a atùulɛ̀ mɔ̀ ŋmìti ŋmàŋgo.