Matiyò 21:1 - Mokpwe: Bakwery (New Testament)

¹ Nà òma Yerzù na hwà-òkòwèlì hwa eni hwà mà kòmbɛ̀nɛ̀ e mbòwà ndɛnɛ ya Jèrurzalɛ̀mù, hwà mà uka e mbòwà ya Bɛ̀thvegi ò e hvàko ya Njàhwɛ̀. Yerzù rzi a òma Hwà-òkòwèlì hwa eni hwahwàkɛ ò lì ɛndɛ ò wòrzò,

Matiyò 21:1 Mawu Ofanana

Matiyò 20:34

Yerzù à mà hwa òkeya ììlì, rzi a hwa hwàkɛ̀ màà mà eni ò mirzɔ̀ ma awu. Lìwòkìmɛ̀nɛ̀ rzi hwa wòteyà lì ɛnɛ̀ rzìi hwa mò òŋgama.

Matiyò 21:2

rzìi a hwa òhweyà nanù ema, “È ɛ̀ndɛ ò mbòwà ema e hwèlì ò wòrzò wò anyu. È ùŋmanɛlɛ jàkarzì ema i tiŋgɛhwɛyi aŋga ema i òhvi nà è ŋguma yà eni ò tòŋgòŋgò e ji rzòlòhwe, e nò jàneyà e jɔ.

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Matiyò 26:30

Hwà mà emba rzɔ mɔ̀rzɔ̀kɔ̀ mò jeka rzìi hwa ɛ̀ndɛ ò mòòlì mò Njàhwɛ̀.

Makòrzì 13:3

Yerzù a mà ɛ̀ndɛ lì lìya ò mòòlì mò Njàhwɛ̀. Mòŋgò mòòlì mò ma hwɛ ndi lì ɔŋgɔ̀ e Ndawò yà Lohwà. Aŋga ndi Pètrò, Jèmìrzì, Yòwanìrzɛ̀ na Àndèlè hwà mà ùŋma Yerzù rzìi hwa mò ijòwa ò wùndɛ nanù ema,

Makòrzì 14:26

Hwa mà kulɛ lì emba mɔ̀rzɔ̀kɔ̀ mò lì eka rzìi hwa ɛ̀ndɛ ɔ̀nɛyi mòòlì mò Njàhwɛ̀.

Lukàrzɛ̀ 21:37

O hwèŋge hwèyu, Yerzù à ma hwɛ lì òkòlɛ̀ ò Ndawò yà Lohwà. Ŋgòmbe tɛ à mà àgba ò lì yɛlɛ̀lɛ̀ ò mòòlì mò Njàhwɛ̀.

Lukàrzɛ̀ 22:39

Yerzù a mà ànjiye ò èŋge tùu nà hwà-òkòwèlì hwa eni, rzìi hwa ànjiya èŋge mbòwà, hwa àgba ò mòòlì mò Njàhwɛ̀, nàa ɛ̀ɛ̀mɛ̀ ya eni.

Yòwanìrzɛ̀ 8:1

Yerzù à mà ɛ̀ndɛ ò hvàko ya Olìhvi.

Hwègbèèlì 1:12

I àpɔ̀rzìtòlò rzi jà anjiya ò mòòlì mò Njàhwɛ̀, lì tìmba ò mbòwà yà Jèrurzalɛ̀mù, yɔ̀ndɔ̀ yà èhvàrzù yà màyilì.