Matiyò 20:4 - Mokpwe: Bakwery (New Testament)

⁴ A ma òhweyà hwaŋga hwatò ama, ‘Inyɔ hvɛ e ɛ̀ndɛ e gbèèye èwòlò ò hvaya ya ami. Imba na e rzaweya mòrzahwelì mò gbamù.’

Matiyò 20:4 Mawu Ofanana

Matiyò 20:3

O lìrzakò la ŋgɛŋgi luuwa, mɔ̀ à mà ɛ̀ndɛ hvɛ ò tenì ya mbòwa. Rzìi à ùŋmanɛlɛ lòŋgò la hwatò hwa tɛmi aŋga, ema hwa rzi hwɛ lì gbeyà tɔ̀ eyà.

Matiyò 20:5

Hwàŋga hwatò hwà mà ɛ̀ndɛ ò lì gbeyà eŋge èwòlò, rzìi ò kɔrzi ya ŋmerze na ŋgɛŋgi iyàwò ja ŋmerze à mà tìmba ò lì gbeyà hvɛ nanù mɛnɛ.

Matiyò 9:9

Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Kòlòrzìyà 4:1

Inyɔ hwatò ema e hwɛ̀ni hwàkòmì, e ohve hwàkòmì hwa anyu nà oma Lohwɛ̀ a àrzeyà, ndèŋgànɛlɛ e hwa ohve gbamù. È hwiye nanù ema inyɔ hvɛ e hwɛni mòtò o ŋmanyu yà lohwà ema inyɔ hvɛ e hwèlì o rze ya eni.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.