Matiyò 2:4 - Mokpwe: Bakwery (New Testament)

⁴ Hɛ̀rɔ̀dì à mà hwɛlìrzɛ̀ ipìlìrzì ndɛnɛ nà hwà-òkòlèlì hwa mbendà hwa arzɛ èki yɔ̀kɔ. Rzìi à hwa ijòwa nanù ema, “One òŋgò ema à Ɔ̀kirzɛ̀hwɛ̀yi à hwɛnì lì ŋyàhwɛ̀lɛ̀ e?”

Matiyò 2:4 Mawu Ofanana

Matiyò 13:52

O èŋgànɛ̀lɛ̀ à mà hwa timbirzɛlɛlɛ ama, “Mòòkòlèlì hwa mbenda ema à mà jɛ̀ɛ̀ ò lì hwɛ mòòkòwèlì wa lìkànèyà la ama Lohwɛ̀, a hwèlì ndi nàa e mòhwɛnɛ wa ndawò ema a ulɛ hwema hwehvènya na e hwe mbòlòwa ò tùu ya eni ya lùùtà.”

Matiyò 2:3

Kiŋgɛ Hɛ̀rɔ̀dì à mà hwèye ene eyà, è mà mò tàkirzɛ̀ màlùtèyà mà eni rzayì-rzayì. Ene eyà è mà mò tàkirzɛ̀ rzìi è tàkirzɛ̀ hvɛ hwatò hwa arzɛ hwa Jèrurzalɛ̀mù.

Matiyò 2:5

Hwa mà mò alàhwɛ̀ nanù ema, “À ŋyàhwɛ̀lɛ̀ ndi ò mbòwà yà Bɛ̀tlɛ̀hɛmù, ò erzòòkà yà Jùdeyà. È mòòhwèlì wà èlìŋgɛ̀ à mà tìla nanù ema,

Matiyò 21:15

Ndi na òma Ipìlìrzì ndɛnɛ na Hwà-òkòlèlì hwa mbenda hwà mà ɛnɛ hwenè hweyà hwe mànyakà ema Yerzù à mà hwɛ lì gbeyà, ndèŋgànɛ̀lɛ̀ hvɛ merzeya ema hwàna hwarzàlì hwà mà hwɛ lì tɛ nanù ema, “Jèèka i hwɛ na è Ŋmanà wà e nyɔ̀ŋgɔ̀nì ya ama Dàhwitì,” hwà mà tàta rzayi-rzayi.

Matiyò 21:23

Yerzù à mà kpèeyà ò tenì ya e Ndawò yà Lohwà rzìi a òkòlɛ hwatò. Nà òma mɔ̀ à mà hwɛ lì òkòlɛ̀, Ipilìrzi ndɛnɛ na hwàmbaki hwa hwatò rzi hwa mò jèeyà, hwa mò ijòwa nanù ema, “Ima lìkànèyà ò hwɛni ò lì gbeyà hwenè hweyà e? Ndèŋgànɛ̀lɛ̀ hvɛ njɛnɛ a ò ŋgbelì lìni lìkànèyà e?”

Matiyò 26:3

O eŋge hvònda, Ipìlìrzì ndɛnɛ na hwatimbèlì hwa èkòmè hwa mà arzàŋganɛ ò è ndawò ya ama Kàyìhvàrzì, e Pìlìrzì ema e karzami.

Matiyò 26:47

Nà òma Yerzù à mà hwɛ lì òhwa, Jùdàrzì Ìrzìkalìyɔ̀tɛ̀ mɔ̀kɔ wa eni hwa Lìyòmɛ̀ là Hwà-òkòwèlì nà hwahwàkɛ, à mà jà nà è ŋgindi ndɛnɛ yà hwatò ema hwa mà òhva ì rzɔ̀lɔ̀, nà hweeye hwa mà òmahwa ndi nà Ipìlìrzì ndɛnɛ nà hwàmbaki hwa mbòwà.

Matiyò 27:1

O ekpa arzɛ ya wùnyà, Ipìlìrzì ndɛ̀nɛ̀ ja arzɛ nà hwàmbaki hwà mbòwà hwà mà gbeyà hwètɛ̀yìrzèlì lì teŋgɛ̀nɛ̀ nɛ hwa hwɛni lì òŋwa Yerzù.

Matiyò 7:29

èhwanja à mà òkòlɛ̀nɛ̀ nà lìkànèyà. A rzi hwɛ lì òkòlɛ̀ nàa Hwà-òkòlèlì hwa mbenda.

Makòrzì 8:31

Yerzù rzìi a wòteya lì òkòlɛ̀ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hwɛnì lì taka ò nyayi na nyayi ja hweyà. Hwàmbaki hwa hwatò, ipìlìrzì ndɛnɛ, na hwà-òkòlèlì hwa mbenda hwa hwɛnì lì mò ndinda. À hwɛnì lì òŋwàhwà, ndi ò mburzà ya menya meyàwò à ò hvùmùwà.”

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 23:10

Ipìlìrzì ndɛnɛ nà hwà-òkòlèlì hwa mbenda hwa mà tɛ̀mɛ̀ rzìi hwa mò kìkòwà.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Yòwanìrzɛ̀ 3:10

Yerzù rzìi à mò alàhwɛ̀ nanù ema, “O wa ò hwèlì ndi Mòòkòlèlì mò ndɛnɛ wa wònya Irzàyɛ̀lì ndi ò wa ò rza rzɔ̀ŋgìtɛ̀nɛ̀ hwenè hweyà e?

Yòwanìrzɛ̀ 7:32

Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Yòwanìrzɛ̀ 8:3

Hwà-òkòlèlì hwa mbenda nà Ihvàlìrzàyì, rzìi hwa kpeyana mòlanà mɔ̀kɔ ema hwà mà lɛ̀mbɛ ò mòrzònje. Hwà mà mò tɛmirzɛ ò wòrzò wò èŋge ŋgìndì.

Hwègbèèlì 23:9

Malò ma awu ma mà hwɛ ndi lì agba ò ŋmanyu. O eŋgànɛ̀lɛ̀ lòŋgò la hwà-òkòlèlì hwa e mbenda ema hwà mà hwɛ ndi ò ehvehva ya Hvàlìrzàyì, hwà mà tɛ̀mɛ̀nɛ̀ ò ŋmanyu, rzìi hwa tɛɛ na ŋginyà nanù ema, “Irzɔ i rza lùwànì ònò mòtò tɔ̀ njɔ̀mi. È tànɛyi lì hwɛ nanù ema, èlìŋgɛ̀ tɔ̀ aŋgèlì ndi e ma mò òhweyà eyà!”

Hwègbèèlì 4:5

Ènɛyi eka ya elele, hwàkànèlì hwa wònyà Yudà, hwàmbaki hwa mbòwa na hwà-òkòlèlì hwa mbenda hwà mà arzàŋgànɛ ò mbòwa ya Jèrurzalɛ̀mù.

Hwègbèèlì 6:12

O ene ŋgàna rzɔ hwaŋga hwatò ema hwà mà teŋgɛ̀nɛ̀ Rzìtehvànɛ, rzìi hwa hvuŋguwa mèèmà me hwatò, hwàmbaki hwa mbòwa na hwà-òkòlèlì hwa mbenda. Hwà mà hvùma Rzìtehvànɛ rzìi hwa mò ɛ̀ndɛnɛ ò wòrzò wò wòlìya wò hwèkàyìrzèlì.