Matiyò 2:22 - Mokpwe: Bakwery (New Testament)

²² Ndi è hvònda ema Jòrzɛ̀hvù à mà hwèya nanù ema Akɛ̀làwùrzì ndi à mà tìmbɛ̀ ò kònda yà lìkànèyà là ama rzaŋgɛ̀ Kiŋgɛ̀ Hɛ̀rɔ̀dì ò erzòòkà yà Jùdèyà, à mà òka wɔ̀ŋgɔ̀ ò lì tìmba aŋga. È aŋgèlì yà ama Lohwɛ̀ è mà mò wurzeya hvɛ ò ndɔ̀tɔ̀, ò lì mò kòkòhwɛ̀lɛ̀. Eŋge eyà è mà mò gbèya ema à ɛ̀ndɛ ndi è yà eni ò erzòòkà yà Galìlì.

Matiyò 2:22 Mawu Ofanana

Matiyò 1:20

Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Matiyò 2:1

Nà òma Yerzù à mà ŋyahwe ò mbòwà yà Bɛ̀tlɛ̀hɛmù, ò erzòòkà yà Jùdèyà, ò eŋge hvòndà Hɛ̀rɔ̀dì ndi à mà hwɛ è Kiŋgɛ̀. Hwàlaŋgà rzòmbe hwa mà uhwèyà wate rzi hwa jà ò mbòwà yà Jèrurzalɛ̀mù.

Matiyò 2:19

O mburzà kpelì yà ama Hɛ̀rɔ̀dì, è aŋgèlì yà ama Lohwɛ̀ è mà wùrzèyà Jòrzɛ̀hvù ò ndɔ̀tɔ̀ è hvònda ema à è hwèlì ò Ìjiptò. È aŋgèlì è mò òhwèyà nanù ema,

Matiyò 2:21

Jòrzɛ̀hvù à mà hwèye nanù, rzi à wòwà è ŋmanà nà nyàŋgɛ, rzi hwa tìmba ò Èkòmè yà Irzàyɛ̀lì.

Matiyò 3:13

Naŋgɛ Yerzù à mà uhwɛ̀lɛ̀lɛ ò erzòòkà ya Galìli à ɛndɛ òma Yòwanìrzɛ̀ ò mòrzò mò Jɔdànì aŋga nanù à mò lùhwìrzɛ̀.

Lukàrzɛ̀ 2:39

È hvònda ema Jòrzɛ̀hvù nà Màlìyɛ̀ hwa mà kulɛ lì gbeyà hweyà hwe àrzɛ nà òmà è mbenda ya ama Lohwɛ̀ e mà òhwe, hwa mà tìmbà ò mbòwà yà awù yà Nàrzàrɛ̀tì, ò èkòmè yà Galìlì.

Yòwanìrzɛ̀ 7:52

Rzìi hwa òhwa nanù ema, “Wàhvɛ o uwɛ̀lɛ̀lɛ̀yi ndi ò Gàlìlì e? O arze ò Kààtì ya ama Lohwà ò ɛnɛ ò wà witi ema tɔ̀ Mòòhwèlì wà èlìŋgɛ̀ a rzi uwɛ̀lɛ̀lɛ̀yi ò Gàlìlì.”