Matiyò 2:2 - Mokpwe: Bakwery (New Testament)

² Hwaŋga hwàlaŋgà rzòmbe hwa mà ùke ò Jèrurzalɛ̀mù rzi hwa ijòwa nanù ema, “One òŋgò ŋmanà ema à ŋyahwì è Kiŋgɛ yà wònyà Yudà e? Ì ɛni è rzòmbe wàte, è jò uŋmɛ̀lɛ̀ nanù ema à ŋyàhwì. Ɔ̀ndeŋgàtɛ̀ ì jelì ò lì mò ŋgba èluhwe.”

Matiyò 2:2 Mawu Ofanana

Matiyò 2:3

Kiŋgɛ Hɛ̀rɔ̀dì à mà hwèye ene eyà, è mà mò tàkirzɛ̀ màlùtèyà mà eni rzayì-rzayì. Ene eyà è mà mò tàkirzɛ̀ rzìi è tàkirzɛ̀ hvɛ hwatò hwa arzɛ hwa Jèrurzalɛ̀mù.

Matiyò 21:5

“Ohweyà hwatò hwa Rzàyɔ̀nì nanù ema, Wà à ɔ̀ŋgɔ, è kìŋgɛ yà aŋgɔ̀ yè è jèeyà! À arzìhwìrzɛ̀yi, à lìyàyi ò ŋmanyu yà jàkarzì, ŋguma jàkarzì jà mòme.”

Matiyò 27:11

Ò ene hvònda Yerzù à mà tɛ̀mɛ̀ ò wòrzò wò amà Pìlatò ema à mà hwɛ lì kànèyà erzòòkà yà Yudà. Pìlatò rzìi à mò ijòwa nanù ema, “Ò wà ndì ò hwèlì è kiŋgɛ̀ yà wònyà Yudà è?” Yerzù rzìi à mò alàhwɛ̀ nanù ema, “È hwèlì ndì nà òma ò òhwì”

Lukàrzɛ̀ 19:38

rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 23:3

Pìlatò rzìi à ijòwa Yerzù nanù ema, “Ò wà ndi ò hwèlì è kiŋgɛ̀ yà wònyà Yudà e?” Yerzù rzìi à mò alàhwɛ̀ nanù ema, “Nà òmà ò òhwì.”

Lukàrzɛ̀ 23:38

Ò ŋmanyu tènyi lì aka mòòhvò mò eni, ò mà tìlahwà nanù ema, “È kìŋgɛ yà wònyà Yudà ène.”

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 12:13

Rzìi hwa kɛ̀ inyàŋgò, hwa ɛ̀ndɛ lì mò ùŋmànɛ̀lɛ̀ ò njiya. Hwa mà hwɛ lì tɛ̀ɛ nanù ema, “Hòrzanà! Mònàmɛ̀ nà è mɔ̀ ema à jelì ò lìnà là ama è Rzàŋgò. Mònàmɛ̀ nà è Kìŋgɛ yà hwatò hwa Irzàyɛ̀lì!”

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 19:19

Pìlatò rzìi à tìla mòtìla ò ehwambò rzìi à è wòmeyà ò mbarza, ò ŋmanyu teŋyi lì aka èki ema mòòhvò mò ama Yerzù mò mà hwɛ. Mòtìla mò mà hwɛ nanù ema, “Yerzù mòtò wà è mbòwa yà Nàrzarɛ̀tì è Kìŋgɛ yà wònyà Yudà.”

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

Yòwanìrzɛ̀ 9:38

Oŋgò mòtò rzìi a mò timbirzɛlɛlɛ nanù ema, “Ìi Rzàŋgò na lòkɛ̀yì,” rzìi a rzùmeya Yerzù màwɔ̀ŋgɔ̀ŋgɔ̀ ò wòrzò ò lì mò ŋgbà èluhwe.

Hibrù 1:6

È hvonda ema Lohwɛ̀ à mà arze ò lì oma è Ŋmanà wà eni wà worzo ò ene rze à mà ohwa nanù ema, “Inyɛ̀ i aŋgèlì jà ami ja arzɛ i mò kanɛ̀.”

Hwèwulùwèlì 22:16

“Imba, Yerzù, imba ndi na omi e aŋgèlì ya ami o lì e ohweyà inyɔ ema e hwèlì o tenì ya ŋmèmba hwene hweyà. Imba ndi na hwèlì e mɔ̀ ema a uwɛlɛlɛyi o mòtendè mò ama kìŋgɛ Dàhwitì, e rzombe ya elele ema e hvàànyà.”