Matiyò 2:14 - Mokpwe: Bakwery (New Testament)

¹⁴ Jòrzɛ̀hvù à mà imòwe wòŋgò wu, rzi à wòwà è ŋmanà nà nyàŋgɛ hwa wòteyà lì ɛ̀ndɛ ò Ìjiptò.

Matiyò 2:14 Mawu Ofanana

Matiyò 1:24

È hvònda ema Jòrzɛ̀hvù à mà ìmòwè ò ijɔ̀ à mà gbèya mamɛ è aŋgèlì yà Lohwɛ̀ è mà mò òhwèyà. À mà wòwà Màlìyɛ̀ ò lì hwɛ è jòjìyɛ̀ yà eni.

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Matiyò 2:15

Hwa mà lìya aŋga natɛ̀ɛ Hɛ̀rɔ̀dì à ŋwa. Hwenè hwe arzɛ hwe mà gbèyɛ̀nɛ ò lì òndìrzɛ̀ è mbɔrzi ema Tatɛ̀ à mà òme è mòòhwèlì wà èlìŋgɛ̀ ò lì òhwa nanù ema, “Ò Ìjiptò ndi nà hwɛlɛ è ŋmanà wà ami.”

Lukàrzɛ̀ 8:24

Wɔ̀ rzìi hwa ɛ̀ndɛ lì mò imòlɛ̀ ò lì mò òhweyà nanù ema, “Ìi Rzàŋgò kòkò, ìi Rzàŋgò kòkò, kàà irzɔ ja à ŋwa ò!” Yerzù rzìi a ìmòwà ò ìjɔ, a lòmeya è mbɛ̀hvɛ̀nì, nà hwèmùnɛ̀, ò wòtɛmɛ̀tɛmɛ̀ rzìi hwe lɔ̀kɔ̀meyà, èki ya arzɛ e hwɛ ŋmɛ̀ɛ̀.

Hwègbèèlì 26:21

Ŋmɛ̀ndì mò gbamù ema nà mà hwɛ lì òhwa mɔ̀ ndi mò ma gbeyà hwatò hwa Wònyà Yudà hwà mà nò lɛmbɛ, e hvònda ema nà mà hwɛ ò Ndawò yà Lohwà, ndeŋgànɛlɛ hwà mà arza lì nò òŋwa.