Matiyò 2:11 - Mokpwe: Bakwery (New Testament)

¹¹ Nà òma hwa mà kpèeyà ò ndawò, hwa mà ɛnɛ mòŋgò ŋmɛ̀ɛ̀ŋgɛ̀ mò ŋmanà nà nyàŋgɛ Màlìyɛ̀. Hwa mà rzùma màwɔ̀ŋgɔ̀ŋgɔ̀ ò rze, rzi hwa ŋgba è ŋmanà èluhwe. Hwa mà wùrzìrzɛ̀ màhwèyà ema hwa mà jàneyà è ŋmanà. Manù màhwèyà ma mà hwɛ ndi Gòòlò, lìyɔ̀ki ema lì òhvi erzunju yà hvɛ̀ɛ̀hvɛ̀ɛ̀ ema lì hwɛ̀lɛ̀hwɛ̀ hvìlàŋgìrzɛ̀nì nà màyi.

Matiyò 2:11 Mawu Ofanana

Matiyò 1:18

Nanù ndi hwèŋyàyèlì hwe ama Yerzù hwe mà hwɛ: Màlìyɛ̀ è nyàŋgò yà ama Yerzù à mà hwɛ ndi mɔ̀ɔmbɔ̀ mò ŋgɔ̀ndɔ̀ ema à rzi hwiyɛ̀ munyanà. À mà hwɛ ndi ehwàndà yà ama Jòrzɛ̀hvù. Ndèŋgàna Màlìyɛ̀ à è ɛndɛ ò lì hwahwà, Jòrzɛ̀hvù hwa mà emba nanù ema Màlìyɛ̀ à mà hwɛ nà lèmì, ò lì akèyà nà è ŋginyà yà Èlìŋgɛ̀ yà Wòtani.

Matiyò 12:46

Nà òma Yerzù à mà hwɛ lì òhwànà e ŋgìndì, nyàŋgɛ nà wònyanyàŋgò hwa eni hwa ma tɛ̀mɛ̀ ò èwòka lì arza lì mò òhwirzɛnɛ rzìi

Matiyò 14:33

Nà òma ene eyà e ma gbèyɛnɛ nanù, hwanɛyi Hwà-òkòwèlì ema hwà mà hwɛ ò tenì ya wɔ̀lɔ̀ rzìi hwa kànɛ Yerzù. Rzìi hwa òhwa nanù ema, “Ò jɔ̀kɛ̀-jɔ̀kɛ̀ ò hwèlì ndi è Ŋmanà wà mùnyanà hwa ama Lohwɛ̀.”

Matiyò 2:10

Nà òma hwa mà ɛnɛ è rzòmbe hwa mà hwɛnɛ mɔ̀nyɛ̀ŋgì rzayì-rzayì.

Matiyò 2:2

Hwaŋga hwàlaŋgà rzòmbe hwa mà ùke ò Jèrurzalɛ̀mù rzi hwa ijòwa nanù ema, “One òŋgò ŋmanà ema à ŋyahwì è Kiŋgɛ yà wònyà Yudà e? Ì ɛni è rzòmbe wàte, è jò uŋmɛ̀lɛ̀ nanù ema à ŋyàhwì. Ɔ̀ndeŋgàtɛ̀ ì jelì ò lì mò ŋgba èluhwe.”

Lukàrzɛ̀ 2:16

Hwa mà ɛ̀ndɛ kàrzì-kàrzì, rzìi hwa lùwa èki ema Màlìyɛ̀ nà Jòrzɛ̀hvù hwa mà hwɛ. Rzìi hwa ɛnɛ è ŋmanà à ma nàŋgɛlɛhwɛ ò èwòki ema hwèembe hwe mà lèeyà.

Lukàrzɛ̀ 2:38

Nà òmà Jòrzɛ̀hvù nà Màlìyɛ̀ hwa mà jànè è ŋmanà ò Ndawò yà Lohwà, Anà hvɛ à mà hwɛ aŋga. O wòtɛmɛ̀tɛmɛ̀, rzìi a ŋgbà Lohwɛ̀ jèka, nà lì òhweyà hwatò hwa arzɛ lì hvòmɛ̀nɛ̀ òŋgò ŋmanà. Hwàŋga hwatò ndi hwa mà hwɛ lì ambɛ̀lɛ̀ è hvònda ema Lohwɛ̀ a oŋgìrzɛ̀ è mbòwà yà Jèrurzalɛ̀mù.

Yòwanìrzɛ̀ 19:39

Nikòdemòrzi mɔ̀ hvɛ ema à mà lòma lì ɛndɛ lì ɛnɛ Yerzù wuu ama ɛndɛ nà Jòrzɛ̀hvù. Ndèŋgana hwa e ɛndɛ Nikòdemòrzi a wòwa hwèlòŋgìrzànì ema hwe ma gbeyàhwɛnɛ na mayi na alɔrzi ò lì rzeeya mìimbà. Liŋgi lìyɔki lì ma hwɛnɛ mòrzimbɔ mò eyà ya rzàyiyàwò ja kilò na ita.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwèwulùwèlì 5:8

O mburza hvonda ema mɔ̀ à mà wowe e kààti ema e lìŋgɛ̀lɛ̀hwɛ, hweŋge hwèembè hwe ànìiyɛ̀ na eŋge mbàŋgɛ ya hwàmbaki na hwànìi hwà mà kpa o rze o wòrzo wo ama eŋge Ŋguma ya Mɔlɛ̀ŋgù. Hwàŋga hwàmbaki hwa hwatò, tɔ̀ ima mɔ̀ wa awu à mà tɛ̀ɛ̀tɛ̀ɛ mondindi na mɔnjɔ mo luku mo gòòlù ema mo ma onda na itùwà. Iŋgi itùwà jɔ̀ ndi i hwèlì lìkànɛ la hwatò hwa ama Lohwɛ̀.