Matiyò 19:8 - Mokpwe: Bakwery (New Testament)

⁸ Yerzù rzìi à hwa timbirzɛlɛlɛ nanù ema, “Mòrzè à mà e ŋgba wònja ema e òŋwe mààhwà ma anyu èhwanja mèèmà me anyu me eti. Ndi e rzi hwɛ nanù natɛ̀ɛ na ò hwewòtelì hwe ene rze.

Matiyò 19:8 Mawu Ofanana

Matiyò 19:7

Ihvalìrzàyì hwa mà mò ijòwa nanù ema, “È hwèlì tɛ nanù, mamɛ ndeŋgàtɛ̀ Mòrzè à mà ŋgba hwatò e wònja nanù ema, mòtò a hwɛnì lì ŋgba jòjìyɛ̀ wa eni è kààtì ò lì uŋmɛ̀lɛ̀ nanù ema, hwà mà òŋwa lìhwa rzìi à mò hvayà à mà à ɛ̀ndɛ ònɛyi e?”

Matiyò 19:9

Nà e òhweyà na e jɔ̀kɛ̀ nanù ema tɔ̀ ima mòjòmɛ̀ ema mò hvayi e jòjìyɛ̀ ya eni e rzi hwɛ ema ò nyòla ya mòrzònje mò lìhwa eŋge tumba mòtò e hwàyi tɛ òhvɛhvɛ mòlanà nanù òma a undi e mbenda ya mòrzònje mò lìhwa.”

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Matiyò 8:31

O èŋgànɛ̀lɛ̀ hweŋge hwèlìŋgɛ̀ hwe wòhwe rzìi hwe rzòrzòmeya Yerzù nanù ema, “I hwi nanù ema ò hwɛni lì jò hvaya, ò jò òme ò wòŋgò gbàka wò ŋgòwa.”

Makòrzì 10:5

Yerzù rzìi a hwa alàhwɛ̀ hvɛ nanù ema, “Mòrzè à mà è tìleya ndi ene mbenda èhwanja mèèmà me anyu me èèti.

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

1 Kɔ̀rintìyà 7:6

Nà e òhwèlì ndi ene eyà nàa màyowà, rzeketɛ lìkànèyà ndi na e kànelì.