Matiyò 18:8 - Mokpwe: Bakwery (New Testament)

⁸ È hwèlì tɛ ema lìya là aŋgɔ̀ tɔ̀ lìtaŋgà lì aŋgɔ̀ lì ò undìrzɛ̀ tɛ ò wòhwe ò lì kɛ ò lì hvimbe ɔ̀nɛyi. Ò lɔ̀wu nanù ema ò òhve lòŋgɛ nà lì hwɛ èhvàrzù yà nyò, lì aka ò lì hwɛnɛ màà màhwàkɛ̀ nà mèèndè mèhwàkɛ̀ rzìi hwa ò hvimba ò tenì yà mùnya ema mò rza lìma.

Matiyò 18:8 Mawu Ofanana

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Lukàrzɛ̀ 14:33

Nànù ndi e hwɛnì lì hwɛ nà tɔ̀ njɛnɛ hvɛ ema à rza àrzà lì ulɛ hwèèmà hwe arzɛ ò mèèmà mò eni. Èŋge tumba mòtò e rza kànɛyi lì hwɛ è mòòkòwèlì wà amì.

Lukàrzɛ̀ 16:24

Èŋge èhwàŋgì ya mòtò rzìi e tɛɛ nanù èma, ‘Ìi tatà Abràhamù, ò nò òkeya ììlì. Oma Làrzàlɔ̀tì ema a tɔ̀tè wòrzò wò jɔ̀nɔ ja eni ò màlìhwa a nò tɔ̀lɛ è mɔ̀ ò jɛ̀ɛ̀mɛ̀ ja amì ò lì nò yɔlɛ̀, èhwanja nà hweyà wɔ̀ɔ̀kì rzayì-rzayì ò tènì yà mònò mùnya.’

Ròmànì 13:12

Jììtìtì i mà lìŋga ŋmanà mbɔ̀ òma wùùnya wò ma yahwa ò eŋgànɛ̀lɛ̀ rzɔ, inyɛ i rzɔ̀njɛ̀lɛ hweyà hwe wòhwe ema i ma hwɛ lì gbeyà. Inyɛ̀ i wɔ̀te màwɔ̀ti ma njuma ò lì ana e njuma ya ŋmàye.

Hwèwulùwèlì 14:10

mɔ̀ hvɛ à ò nyɔ̀ mììmbà ema mà hwèlì hwètàtò hwe ama Lohwɛ̀. Wɔ̀ hwa mà è rzɔ̀lɛ̀ ò lìwonde là hwètàtò là ama Lohwɛ̀ nà è ŋginyà ya awu ya arzɛ. Tɔ̀ ima mòtò ema à kanɛ̀ eŋge èembe oŋgo mòtò à ò lùwa mòtàkà mò mùnya ema mò ɔ̀kɔ̀ rzayi-rzayi, ò worzò wò i aŋgèlì jà wòtani nà è Ŋguma yà Mɔ̀lɛ̀ŋgù yà ama Lohwɛ̀.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”