Matiyò 18:7 - Mokpwe: Bakwery (New Testament)

⁷ Mòjèmà nà è rze, èhwanja è òhvi hweyà ema hwe lùkɛ̀lɛ̀ hwatò ò lì gbeyà wòhwe. Makèkìrzɛ̀nɛ̀ mà hwɛni lì jà, ndi è ò hwɛ wòhwe nà òŋgò mòtò ema à ò gbeyɛ òhvɛhvɛ mòtò ò lì gbeyà wòhwe.

Matiyò 18:7 Mawu Ofanana

Matiyò 16:23

Yerzù à mà ayèŋgòwɛ̀ rzìi a òhwàna Pètrò nànù ema, “O nò anjiya ò wòrzò wa ami Mòkarzɛ̀! Mamɛ ndeŋgatɛ ònò keka ò lì gbeyà hweyà ema Lohwɛ̀ a lùteyà e? O òhwa ndi nanù na màlùtèyà ma mòtò wa hwènàmà rzeketɛ màlùtèyà ma ama Lohwɛ̀.”

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Makòrzì 13:7

È hwèyì tɛ ema injùmà ja ànà, tɔ̀ e hweyi tɛ ŋgànèlì ja njùma è rzì tumeya mèèmà. Hwenè hweyà hwe hwɛnì lì gbeyɛ̀nɛ ndi hwe rza uŋmɛ̀lɛ̀ nanù ema lìrzukù lì ma uka.

Lukàrzɛ̀ 17:1

Yerzù à mà òhweyà hwà-òkòwèlì hwa eni nanù ema, “Hweyà ema hwe gbeyà hwatò hwa gbeyà wòhwe hwe hwɛnì lì hwa jèeyà. Ndi èwòma è ò hwɛ nà òŋgò ema à hwe jànà!

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

1 Kɔ̀rintìyà 11:19

O tɛ̀ɛ̀tɛ̀ɛ o hwɛnì lì hwɛ la akahwanɛ̀ɛ o ìtììtènì ja anyu aŋga nanù hwaŋga ema hwa hwèlì hwa nɔŋgelì hwa jɔ̀kɛ̀ hwa ama Lohwà, hwa ɛnɛhwɛ na e jɔ̀kɛ̀.

1 Tìmotì 6:1

Hwatò hwa arzɛ ema hwa hwèlì hwàkòmì hwa àŋgàmɛ̀nɛ̀yi lì ŋgba irzàŋgo ja awu èluhwe o hweyà hwe arzɛ. Àŋga nanù tɔ̀ mòtò a rza ohwa tɔ̀ eyà ya wòhwe lì teŋgɛ̀nɛ Lohwɛ̀ ndèŋgàna hwa rza ohwa hweyà hwe wòhwe o mamɛ ema irzɔ jo òkolɛ.

Tàyìtùrzì 2:5

Hwà hwa okòlɛ̀ nanù ema hwa hwɛ ijòjìyɛ̀ ja gbamù. Hwa ika ndi mèèmà me awu o mèjòmɛ̀ me awu mɛnɛ, ndèŋgànɛ̀lɛ̀ hwà hwa okòlɛ̀ nɛ hwa àŋgàmɛ̀nɛ̀yi o lì aŋgoweya indawò ja awu, nyayi ema e hwa gbeyà o lì hwɛ jòjìyɛ̀ ema ja arzìhwìrzɛ̀lɛ̀lɛ̀yì mèjòmɛ̀ me awu. È hwèlì tɛ nanù ema hwàalanà hwa gbèya hwene hweyà hwe arzɛ, hwatò hwa rza ohwa tɔ eyà ya wòhwe lì hvomɛ̀nɛ̀ ŋmɛ̀ndì ema Lohwɛ̀ à mà ŋgbe hwatò.

Tàyìtùrzì 2:8

O ɛnɛ nanù ema hwèyòkòlèlì hwe aŋgɔ̀ hwe hvomɛ̀nɛ̀yi aŋga nanù hwatò hwa rza ohwa tɔ̀ eyà ya wòhwe o lì o teŋgɛ̀nɛ̀. Ène e gbeyà hwatò ema hwa o teŋgɛ̀nɛ̀ o lì òka irzɔ̀ni, ehwànja hwa rza o luwa e njiya o lì ohwa tɔ̀ eyà ya wòhwe o lì jo teŋgɛ̀nɛ̀.

Judɛ 1:4

Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.