Matiyò 17:3 - Mokpwe: Bakwery (New Testament)

³ Liwòkimɛnɛ Hwà-òkòwèlì hwa eni rzìi hwa ɛnɛ nà òma Mòrzè nà Èlàyijà hwà mà wurze rzìi hwa wòteyà lì òhwìrzɛ̀nɛ̀ Yerzù.

Matiyò 17:3 Mawu Ofanana

Matiyò 17:2

Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Matiyò 17:4

Pètrò rzìi a òhweyà Yerzù nanù ema, “Rzàŋgò ò lɔ̀wu na òma i hwèlì anù. O lìŋgàni tɛ nà òŋga màwòndò màyàwò, lɔ̀kɔ lì hwɛ ndi è là aŋgɔ̀, Mòrzè hvɛ lɔ̀kɔ, lìnɛyi hvɛ e là ama Èlàyijà.”

Makòrzì 9:4

Hwà-òkòwèlì hwa ama Yerzù rzìi hwa ɛnɛ Èlàyijà nà Mòrzè hwa wurzi, rzìi hwa òhwìrzɛ̀nɛ̀ Yerzù.

Lukàrzɛ̀ 1:17

A ò hvùŋgàna ò wòrzò ndèŋgàna è Rzàŋgò e ò jà. A ò hwɛnɛ hvɛ e ŋginyà nà èlìŋgɛ̀ ŋgàna hvɔ̀kɔ nàa Èlàyijà è mòòhwèlì wà èlìŋgɛ̀ wà kòhwaa a mà hwɛnɛ. A ò rzèeya mèèmà me irzàŋgo nà hwàna hwa awu. Hwatò ema hwa hwɛnì maniya nà Lohwɛ̀, wɔ̀ hvɛ à hwa tikòwà ò lì jà ò lìhwiyè nà hwàtanèlì ò wòrzò wò ama Lohwɛ̀. A ò rzèkeya hwatò ò hwèjèelì hwe ama Rzàŋgò.”

Lukàrzɛ̀ 16:16

Yerzù rzi a òhwa hvɛ nanù ema, “Hweyà ema hwe ma tìlahwa ò kààtì yà àma Lohwɛ̀, hwà-òhwèlì hwa hwèlìŋgɛ̀ wɔ̀ hvɛ hwà mà hwe òhwa ò è hvònda yà àma Yòwanìrzɛ̀ è Mòlùhwìrzèlì. Lìwòteya è hvònda yà àma Yòwanìrzɛ̀ natɛ̀ɛ nà nàŋgɛ, Ŋmɛ̀ndì mò Gbamù mò Lìkànèyà la ama Lohwɛ̀ mɔ̀ ndì mò òhwàhwàa. Tɔ̀ ima mòtò à kèkà ò lì àyìinɛ̀lɛ̀, ò lì kpèeyà ò tenì ya lìŋgi lìkànèyà.

Lukàrzɛ̀ 24:27

Yerzù rzìi a hwa ɔ̀ŋgɛ̀lɛ̀nɛ hwetìlelì hwe ama Mòrzè, nà hwà-òhwèlì hwa hwèlìŋgɛ̀ hwa àrzɛ hwa kòhwaa. À mà hwa telɛlɛ mamɛ ya àrzɛ e ma tìlahwa ò Kààtì yà Lohwà lì mò hvòmɛ̀nɛ̀.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Lukàrzɛ̀ 9:33

Nà òmà hwàŋgà hwatò hwààhwàkɛ hwa mà hwɛ lì hwɛ̀mɛ Yerzù, Pètrò rzìi a òhweyà Yerzù nanù ema, “Rzàŋgò wà àrzu kòkò, ò lɔ̀wu ema ì hwèlì anù. Inyɛ̀ jò òŋge màwòndò màyàwò anù. Ò wa lɔ̀kɔ, Mòrzè lɔ̀kɔ Èlàyijà mɔ̀ hvɛ̀ lɔ̀kɔ.” Pètrò à rzi hwiye hvɛ tɔ̀ mamɛ a mà hwɛ lì òhwa.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.