Matiyò 17:2 - Mokpwe: Bakwery (New Testament)

² Aŋga rzɔ ndi Yerzù à mà atikòwɛ ò wòrzò wò awu, wòrzò wa eni wò ma hvànya ndi nàa igbèyi, lìhwatù la eni hvɛ lì ma ayèŋgòwɛ̀ mbɔmi yà ŋmàye mò rzɛŋgɛ-rzɛŋgɛ.

Matiyò 17:2 Mawu Ofanana

Matiyò 17:1

O mburzà yà mèènyà mòtòhwa Yerzù rzìi a wòwa Pètrò, Jèmìrzì, na Jèmìrzì ŋmanyàŋgò wa enì Yòwanìrzɛ̀ rzìi a hwa timba ò hvàko ema e kàrzamì ò ekì ema hwà mà hwɛ wɔ̀ mɛnɛ.

Matiyò 17:3

Liwòkimɛnɛ Hwà-òkòwèlì hwa eni rzìi hwa ɛnɛ nà òma Mòrzè nà Èlàyijà hwà mà wurze rzìi hwa wòteyà lì òhwìrzɛ̀nɛ̀ Yerzù.

Matiyò 28:3

Wòrzò wò ama eŋge aŋgèlì wò ma hvaya ndi nàa lìŋmɛ̀tiŋmɛ̀ti, lìwɔtì la eni hvɛ lì ma ɛneya ndi rzìlìhwà.

Makòrzì 9:3

È mbɔ̀ti yà èni è mà tìmba ndì mbɔ̀mi yà ŋmàye mò rzɛ̀ŋgɛ-rzɛ̀ŋgɛ lì aka nà lìmɛ̀nì. È ma tana lì aka wòtani wò jòwa ja kɛlɛndɛndɛ, ema tɔ̀ mòtò wa anù rze a rza tanɛ lì rzàŋgirzɛ.

Lukàrzɛ̀ 9:29

Nà òmà a mà hwɛ lì kanɛ̀, wòrzò wa eni wò mà ayèŋgòwɛ̀. Mòŋgòmbè mò eni hvɛ mò mà ayèŋgòwɛ̀ mbɔmi yà ŋmàye mò rzɛ̀ŋgɛ-rzɛ̀ŋgɛ.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Hwèwulùwèlì 10:1

Nà mà ɛnɛ èhvɛhvɛ aŋgèlì yà màyìmbì è uwɛ̀lɛ̀lɛ̀yi ò ŋmanyu yà lohwà, è rzihwa ò rze. È mà tòŋgahwa nà lìmbaki, è ŋguhwèlì hvɛ è mà hwɛ ò mòhvo mò eni. Worzo wò eni wò mà hvàyeyà hvɛ ndi nàa igbèyi, ndeŋgànɛlɛ mèèndè mà eni mè mà hwɛ ndi nàa lìhwondi ema lì oŋwa mùnya.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.