Matiyò 16:3 - Mokpwe: Bakwery (New Testament)

³ Wò yàhwì hvɛ tɛ, è òhwa nanù ema, ‘È mbuwà e hwɛni lì yɔ̀ɔ̀ èhwanja lìwòhwɛ̀ la ŋmanyu lì teya, ndèŋgànà wùùnyà hvɛ wò kaki.’ Inyɔ è tànɛyi lì laŋga hwèhwɛ̀ɛ̀lì hwe wùnyà ndi è ayèmbɛ̀nɛ̀ ò lì emba hweyà ema hwe gbèyɛ̀nɛ̀ yàwònò.

Matiyò 16:3 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 15:7

Inyɔ hwatò hwa mèhvìlì! È Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀ lìrzàkò ema à mà òhwe ò èlìŋgɛ̀ lì e hvòmɛ̀nɛ̀ nanù ema,

Matiyò 22:18

Ndi Yerzù à mà hwiye màlùtèyà ma awu ma wòhwe, rzi a hwa timbirzɛlɛlɛ nanù ema, “Inyɔ hwatò hwa mèhvìlì, mamɛ ndeŋgatɛ e arza ndi lì nò kɔ̀hweyà e?

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 7:5

Ò wà mòtò wà mèhvìlì! Lòma lì ulɛ̀ ètùmba ema yò ò hwèlì ò lìrzɔ̀ là aŋgɔ̀, aŋgà nanù ò tànɛ̀yi lì ɛnɛ̀ gbamù, è ŋmanà jùma lìmòki ema à hwèlì ò lìrzɔ̀ la ama ŋmànyɔ̀ŋgɔ̀ wà aŋgɔ̀.

Lukàrzɛ̀ 11:44

Èwòma na inyɔ! È gbèe ndi nàa ì rzɔ̀ŋgɔ̀, ema ì rza òhvɛ màyembelì ema hwatò hwa akeyà, hwa rzà ja emba.”

Lukàrzɛ̀ 12:56

Yòma-yòma hwatò hwa mèhvìlì, è tànɛyi tɛ lì laŋgà wùùnya nanù, rzìi mamɛ ndeŋgàtɛ e rza tanɛ lì èmba hweyà ema hwe ò gbèyɛ̀nɛ ò wòrzò yàwònò e?

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Hibrù 5:14

Molelì ema mo eti mo hwèlì ndi o hwatò ema hwà mà kòkɛ. Mòtò ema à mà kòkɛ rzɔ̀ a hwèlì ndi mòtò ema a ma okowɛ ndèŋgànɛ̀lɛ̀ a hwi hweyà ema hwe hvomɛ̀nɛ̀ na e hweyɔ ema hwe rza hvomɛ̀nɛ̀.