Matiyò 16:14 - Mokpwe: Bakwery (New Testament)

¹⁴ Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì. Hwanɛ̀yi hvɛ hwa òhwa nanù ema ò hwèlì ndi Èlàyijà. Hwanɛ̀yi wɔ̀ hvɛ hwa òhwi nanù ema ò hwèlì ndi Jèrìmayà tɔ̀ òhvɛhvɛ Mòòhwèlì wa Èlìŋgɛ̀.”

Matiyò 16:14 Mawu Ofanana

Makòrzì 6:15

Hwanɛ̀yi hwa mà òhwa nanù ema, “A hwèlì ndi Èlàyijà.” Ndi hwanɛ̀ti hwà mà òhwa nanù ema, “A hwèlì ndi Mòòhwèlì wà Èlìŋgɛ̀, nàa Mòòhwèlì mɔ̀kɔ wà kòhwaa.”

Matiyò 14:2

Rzìi à òhweyà hwàgbèelì hwa eni nanù ema, “Onò mòtò Yerzù a hwèlì ndi Yòwanìrzɛ̀ è Mòlùhwìrzèlì ema à mà hvùmùwɛ̀. Ɔ̀ndeŋgàtɛ̀ a òhvi ene ŋginyà ya lì gbeyà manù mànyakà ma hweyà.”

Yòwanìrzɛ̀ 9:17

Ihvàlìrzàyì rzìi hwa ijòwa òŋgò mòtò hvɛ nanù ema, “O òhwi nanù ema a ò wɔ̀wìrzɛ̀ e ndima ya aŋgɔ̀. O èŋgànɛ̀lɛ̀ mamɛ ò tànɛyi lì òhwa lì mò hvòmɛ̀nɛ̀ e?” Oŋgò mòtò rzìi a hwa alàhwɛ̀ nanù ema, “Yerzù a hwèlì ndi Mòòhwèlì wà èlìŋgɛ̀.”

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

Lukàrzɛ̀ 9:8

Hwahvɛhvɛ hwatò hwa mà hwɛ ndi lì òhwà nanù ema Èlàyijà mɔ̀ ndì à mà tìmbɛ̀ɛ̀ ò rze. Hwanɛ̀yi hvɛ̀ hwa mà hwɛ ndi lì òhwà nanù ema mòohwà hwèlìŋgɛ̀ mɔ̀kɔ wà kòhwaa mɔ̀ ndì à tìmbi lòŋgɛ.

Makòrzì 8:28

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì, hwahvɛhvɛ hwa òhwa nanù ema ò hwèlì ndi Èlàyijà, hwanɛ̀yi hwa òhwa nanù ema ò hwèlì ndi Mòòhwèlì mɔ̀kɔ wà Èlìŋgɛ̀.”

Matiyò 17:10

Hwà-òkòwèlì hwa eni rzìi hwa mò ijòwa nanù ema, “Mamɛ ndeŋgatɛ Hwà-òkòlèlì hwa mbenda hwa òhwa nanù ema, Èlàyijà ndi à lòma lì jà ndèŋgànà è Mɔ̀ ema à Ɔ̀kirzɛ̀hwɛ̀yi e?”

Yòwanìrzɛ̀ 1:21

Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Matiyò 3:1

O mburza hvònda, Yòwanìrzɛ̀ è Mòlùhwìrzèlì à mà jà ò mòrzanjɛ̀ mò è mbòwà yà Jùdèyà rzìi à wòteyà lì òhwa Eyà yà Lohwà. Rzìi mɔ̀ à òhwèyà hwatò nanù ema,

Matiyò 16:15

Yerzù rzìi a hwa ijòwa hvɛ nanù ema, “Njɛnɛ inyɔ hwìti e òhwa nanù ema na hwèlì e?”