Matiyò 13:52 - Mokpwe: Bakwery (New Testament)

⁵² O èŋgànɛ̀lɛ̀ à mà hwa timbirzɛlɛlɛ ama, “Mòòkòlèlì hwa mbenda ema à mà jɛ̀ɛ̀ ò lì hwɛ mòòkòwèlì wa lìkànèyà la ama Lohwɛ̀, a hwèlì ndi nàa e mòhwɛnɛ wa ndawò ema a ulɛ hwema hwehvènya na e hwe mbòlòwa ò tùu ya eni ya lùùtà.”

Matiyò 13:52 Mawu Ofanana

Matiyò 12:35

Mòtò wà gbamù a gbeyà gbamù èhwanja e uhwɛ̀lɛ̀lɛ ndi ò ŋmèma mò eni ema gbàamù wò utahwi. Mòtò wa wòhwe a gbeyà wòhwe èhwanja e uwɛ̀lɛ̀lɛ̀yi ndi ò mèèmà mò eni ema wòhwe wò utahwi.

Matiyò 13:51

Yerzù rzìi a ijòwa hwà-òkòwèlì hwa eni nanù ema, “Inyɔ e ma rzɔ̀ŋgìtɛ̀nɛ̀ hwenè hwèyòkòwèlì hwe arzɛ e?” Wɔ̀ rzìi hwa mò alàhwɛ̀ hwa ama “Ɛ̀ɛ.”

Matiyò 13:53

Nà òma Yerzù à mà kulɛ hwèyòkòlèlì na meyàna, à mà hwɛmɛ eŋge ekì,

Matiyò 23:34

Ene ŋgàna e gbèyi na e òmeya hwà-òhwèlì hwa hwèlìŋgɛ̀, na hwatò hwa mahwiye, nà Hwà-òkòlèlì. Lòŋgò la hwanù hwatò, inyɔ e hwa òŋwa, hwanɛyi hvɛ e hwa wòmeya ò mbarza. Lòŋgò hvɛ e hwa gbiyɛ hvònji ò tenì ja mandawò ma anyu ma màkanɛ̀, na hwahvɛhvɛ, e hwa hvaya ò lì anjiya ò mambòwà na mambòwà.

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Yòwanìrzɛ̀ 13:34

Mbenda hvènya ene ema nà è ŋgbà naŋgɛ, è alìŋgànɛ mɔ̀kɔ nà ɔ̀nɛyi. Nà òma nà mè lìŋganè, ò èŋgànɛ̀lɛ̀ è hwɛnì lì alìŋganɛ̀ mɔ̀kɔ nà ɔ̀nɛyi.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

Ɛ̀hvìrzìyà 3:4

È laŋgi tɛ hweyà ema nà mà tìlɛ̀, è ò àyèmbɛ̀ lì rzɔ̀ŋgìtɛ̀nɛ̀ là ami ò hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rzi rzɔ̀ŋgìtɛ̀nɛ̀ lì hvomɛ̀nɛ̀ Krirztò.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Kòlòrzìyà 1:7

Èpàhvràrzì, è mògbèèlì wà ama Yerzù Krirztò, mɔ̀ ndi à mà è ohweyà moŋgo ŋmɛ̀ndì. À hwèlì ndi mòtò ema i gbeyànɛlɛ èwòlò ndeŋgànɛlɛ ì mò lìŋgàni rzàyi-rzàyi. À gbèeyà ndi Yerzù Krirztò èwòlò nà ŋmèma mɔ̀kɔ. Nà oma à hwèlì nà inyɔ, èwòlò ema ì mà hwɛnɛ lì gbeyà yɔ̀ ndi mɔ̀ à hwèlì à gbeyà nanù.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

1 Tìmotì 3:6

A rza àŋgàmɛ̀nɛ̀yi ndi lì hwɛ mòtò ema a rzi ku mbɔ, o lì lòkɛ̀ Krirztò, ene e tànɛyi lì mo gbeyà ema, ayèkirzɛ, o lì kpa, na o lì luwa kɔ̀kìrzɛ̀ molemilemi na oma Mòkarzɛ̀ à mà kpe rzìi a luwa kɔ̀kìrzɛ̀.

Tàyìtùrzì 1:9

A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.