Matiyò 11:7 - Mokpwe: Bakwery (New Testament)

⁷ È hvònda ema hwà-òkòwèlì hwa ama Yòwanìrzɛ̀ hwà mà hwɛ lì timba, Yerzù rzìi a wòteyà lì òhweyà è ŋgìndì lì hvòmɛ̀nɛ̀ Yòwanìrzɛ̀. À ma hwa ijòwa nanù ema, “È hvònda ema e ma anjiye lì ɛndɛ lì ùŋmanɛ̀lɛ̀ Yòwanìrzɛ̀ ò mòrzànjɛ̀, mamɛ inyɔ e mà ɔ̀ŋgɛ̀lɛ̀ nanù ema è ma ɛnɛ e? È mà ɛnɛ ndi yàlì ema è mbɛ̀hvɛ̀nì e nyìŋgìrzɛ̀nɛ̀ e?

Matiyò 11:7 Mawu Ofanana

Matiyò 11:8

Mamɛ ema inyɔ e ma ɛ̀ndɛ lì ɔ̀ŋgɔ e? Mòtò ema à mà wɔ̀tɔ̀ lìwɔtì la gbamù e? Hwatò ema hwa wɔ̀tɔ̀ iŋgi nyayi ja màwɔ̀tì hwa lìya ndi ò màndawò ma hwàkànèlì.

Matiyò 12:20

A rza ò kakòhwa ɛ̀kɔ̀kɔ̀ ema e ma hwɛndeya, ndèŋgànà a rza ò lìmìrzɛ̀ ètùlù ema e arza lì lìmà. A ò gbeyà nanù natɛ̀ɛ hwɛ̀ɛ̀mɛ̀ hwe gbamù hwe ò hvuŋgana.

Matiyò 21:25

One è wònjà ya lì lùhwìrzɛ̀ la ama Yòwanìrzɛ̀ e Mòlùhwìrzèlì, lì ma uhwɛlɛlɛ e? È ma uhwɛlɛlɛ ndi ò ma Lohwɛ̀, ŋga ò hwatò hwa hwènàmà e?” Hwà mà àwòhwànɛ̀lɛ̀ eŋge mbɔrzi wɔ̀ na wɔ̀, rzi hwa òhwa ema, i òhwi tɛ nanù ema “È wònja ya eni e uwɛ̀lɛ̀lɛ̀yi ndi ò ma Lohwɛ̀, a jò ijòwa nanù ema, ‘O mamɛ ndeŋgatɛ e rzi lòkɛ̀ Yòwanìrzɛ̀ e Mòlùhwìrzèlì e?’

Matiyò 3:5

Hwatò hwa mà uhwɛ̀lɛ̀lɛ ò mbòwà ndɛ̀ɛ̀ndɛ̀ yà Jèrurzalɛ̀mù, nà ò màhvɛhvɛ màmbòwà mà erzòòkà yà arzɛ yà Jùdèyà, nà ò hwèhvɛhvɛ hwèkòmè ema hwe mà kòmbɛ̀nɛ̀ mòhvèhvè mò mòrzò mò Jɔdànì ò lì jèeyà Yòwanìrzɛ̀.

Lukàrzɛ̀ 8:18

È aŋgòwà rzɔ nɛ e òkànèyà. Tɔ̀ njɛnɛ hvɛ ema a òhvi lì rzɔ̀ŋgìtɛ̀nɛ̀ lì hvòmɛ̀nɛ̀ ìwùndɛ̀ ja Lìkànèyà là ama Lohwɛ̀, Lohwɛ̀ à mò hwàteyà hvɛ lìhwiyè. Òŋgò hvɛ ema à rza òhvɛ̀ lìhwiyè, à wɔ̀lɛ̀nɛ̀ tɔ̀ èŋge tenyi ema a ɔŋgɛ̀lɛ̀yi nanù ema à òhvì.”

Yòwanìrzɛ̀ 1:38

Yerzù rzìi à ayèŋgòwɛ̀ à hwa ɛnɛ rzìi à hwa ijòwa nanù ema, “Mamɛ è arza e?” Hwa mò alàhwɛ̀ nanù ema, “Ràbi” (ène ŋgàna e hwèlì ndi nanù ema mòòkòlèlì) “One ò lìya e?”

Yòwanìrzɛ̀ 5:35

Yòwanìrzɛ̀ à mà hwɛ ndi nàa etùlù ema e ma hvàalɛ̀hwɛ̀ ò lì ŋgba èki ŋmàye. Inyɔ e ma lìŋgàna ò lì nɔŋgɔ mòŋgò ŋmàye ò ŋmana hvòka wa hvònda.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

Jèmìrzì 1:6

Ndi inyɔ e kànɛ tɛ rzìi e a akowana Lohwɛ̀, inyɛ e lòkɛ̀ nanù ema a e ŋgba mamɛ ema e mo arzana, e rzi hwɛ inyɔ lì tàmà. È mòtò ema a tàmà, a hwèlì ndi nàa hwemunɛ hwe ŋmànja ema e mbɛ̀hvɛ̀nì e uŋgɛlɛ èki ya arzɛ.