Matiyò 11:11 - Mokpwe: Bakwery (New Testament)

¹¹ Nà è òhweyà nà è jɔ̀kɛ̀ nanù ema, ò hwaŋga hwa arzɛ ema hwa ma lìya anù rze ya mɔ̀nyɛ̀, ò rza enje tɔ̀ mɔ̀kɔ ema a akayi Yòwanìrzɛ̀ è Mòlùhwìrzèlì. Ndi tɔ̀ e mɔ̀ ema a hwèlì e Njùŋgɛ̀ ò Lìkànèyà la ama Lohwɛ̀, a akayi Yòwanìrzɛ̀ wòlìtò.

Matiyò 11:11 Mawu Ofanana

Matiyò 11:10

Yòwanìrzɛ̀ ndi à hwèlì e mɔ̀ ema hwa ma hwɛ lì òhwa lìrzakò ema hwa ma tìle e mbɔrzi ema Lohwɛ̀ a òhwi nanù ema, ‘Ɔ̀ŋgɔ tɛ, na òmà mèèrzènjà mè ami ò lì ɛ̀ndɛ ò wòrzò wò aŋgɔ̀ a ò rzèkeyà e njiya ya aŋgɔ̀.’

Matiyò 11:12

Lìwòteyà è hvònda ema Yòwanìrzɛ̀ è Mòlùhwìrzèlì à mà wòteya lì òhwa Èya ya Lohwà natɛ̀ɛ na naŋgɛ, Lìkànèyà la ŋmanyu lì ma luwa mètàkà rzayi-rzayi ò màà mà hwatò, ndèŋgànɛ̀lɛ̀ hvɛ hwatò hwa mòhvùŋgu hwa hwèlì hwa lì ìnɛ̀lɛ̀ na e njuma.

Matiyò 3:1

O mburza hvònda, Yòwanìrzɛ̀ è Mòlùhwìrzèlì à mà jà ò mòrzanjɛ̀ mò è mbòwà yà Jùdèyà rzìi à wòteyà lì òhwa Eyà yà Lohwà. Rzìi mɔ̀ à òhwèyà hwatò nanù ema,

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 5:19

O èŋgànɛ̀lɛ̀ rzɔ tɔ̀ ima mòtò ema à undi tɔ̀ mbenda tɔ̀ hvɔ̀kɔ ò ini mbenda ja ama Lohwɛ̀, tɔ̀ eŋge mbenda ema hwa ɔ̀ŋgɛ̀lɛ̀ nanù ema è rza òhvi wòlìtò, rzìi à è òkòlɛ̀ hwahvɛhvɛ hwatò ema wɔ̀hvɛ hwa gbèye nanù mɛnɛ, eŋge tumba mòtò è hwɛ ndi è wà lìrzùkù ò likànèyà là ama Lohwɛ̀. Ndi tɔ̀ njɛnɛ ema à gbèyi mamɛ ema è mbenda è òhwa rzìi à a òkòlɛ̀ hwahvɛhvɛ hwatò nanù mɛnɛ, à ò hwɛ̀nɛ̀ wòlìtò rzayi-rzayi ò ìtììtènì ja hwatò ema hwa hwèlì ò rze yà likànèyà là ama Lohwɛ̀.

Lukàrzɛ̀ 1:15

È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.

Lukàrzɛ̀ 7:28

Ò jɔ̀kɛ̀ ò rza ènje tɔ̀ mòtò tɔ̀ mɔ̀kɔ à ŋyààhwì lùùŋgà la mòlanà anù rze, ema à akayi Yòwanìrzɛ̀. Ndi tɔ̀ nanù, e mòtò ema mɔ̀ ndi à hwèlì e wa lìrzùkù ò ìtììtènì ja lìkànèyà la ama Lohwɛ̀, mɔ̀ à akayi Yòwanìrzɛ̀.”

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Yòwanìrzɛ̀ 1:15

Yòwanìrzɛ̀ à mà òhwa lì mò hvòmɛ̀nɛ̀ nà òmà mɔ̀ à mà akɛ̀lɛ̀ è njàmbɛ̀ nanù ema, “È mòtò ònò ema nà mà hwɛ lì è òhweyà nanù ema, ‘Mòtò mɔ̀kɔ à ò jà ò mburzà yà ami ema à kàrzàmi lì nò àka èhwanja nà è hwiya lì ŋyàahwà mɔ̀ à mà lòma lì hwɛ.’”

Yòwanìrzɛ̀ 1:27

Mɔ̀ ndi à hwèlì è mɔ̀ ema à ò jɛ̀ɛ̀ ò mburza yà ami. Ndi nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni.”

Yòwanìrzɛ̀ 10:41

Rzayi-rzayi ja hwatò hwà mà hwɛ lì mò jèeya. Hwàŋga hwatò hwà mà hwɛ lì òhwa nanù ema, “Yòwanìrzɛ̀ è Mòlùhwìrzèlì a rzi hwɛ lì gbeyà hweyà hwe mànyakà ndì tɔ̀ mamɛ ema à mà òhwe lì hvòmɛ̀nɛ̀ ònò mòtò hwe hwèlì ndì e jɔ̀kɛ̀.”

Yòwanìrzɛ̀ 3:30

Mɔ̀ Yerzù, èluhwe ya eni e hwɛnì lì kàrzɛ̀hwɛ ndi imba èluhwe ya ami e hwɛnì lì rzìhwìrzɛ̀hwɛ.”

Yòwanìrzɛ̀ 5:35

Yòwanìrzɛ̀ à mà hwɛ ndi nàa etùlù ema e ma hvàalɛ̀hwɛ̀ ò lì ŋgba èki ŋmàye. Inyɔ e ma lìŋgàna ò lì nɔŋgɔ mòŋgò ŋmàye ò ŋmana hvòka wa hvònda.

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

1 Kɔ̀rintìyà 15:9

O i àpɔ̀rzìtòlò ja arzɛ, imba ndi na hwèlì e mɔ̀ ema a rza ohvɛ wòlìtò.

1 Kɔ̀rintìyà 6:4

È ohvì tɛ meyàŋgo lì hvomɛ̀nɛ̀ hwenè hweyà, mamɛ ndeŋgatɛ è me ɛ̀ndɛ̀nɛ̀ ndi o hwatò ema hwa rza ohvɛ̀ɛ èluhwe o mitèlì e?

Ɛ̀hvìrzìyà 2:3

Irzɔ hwa arzɛ hvɛ i mà hwɛ ndi nàa wɔ̀. I mà hwɛ hvɛ ndi lì gbeyà hweyà o lì òkìrzɛ̀ e nyàma nyo mɔ̀nyɛ̀ŋgì. I ma hwɛ lì gbeyà hweyà hwe wòhwe na oma inyo ja arzu i ma arze nà e hweyɔ hvɛ ema màlùtèyà ma arzu ma mà arze. Wono wòhwe ema i ma hwɛ lì gbeyà, wo ma hwɛnɛ lì gbeyà Lohwɛ̀ o lì jo kɔ̀kìrzɛ̀ molemilemi na oma a kɔ̀kìrzɛ̀ hwatò hwa arzɛ.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

2 Tìmotì 1:10

Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

Hibrù 11:40

È ma hwɛ ndi nanù èhwanja Lohwɛ̀ à mà loma lì woŋgirzɛnɛ nanù ema a jo ŋgba yoma ema e akayi mamɛ ema à mà ohwe nanù ema a hwa ŋgba. A ma woŋgirzɛnɛ nanù ema hwaŋga hwatò hwa hwɛni ndi o lì hwɛ gbamù mondeŋge na irzɔ o mbe eni.

1 Pètrò 1:10

O lì hvomɛ̀nɛ lìni lì rzùŋgàhwa, hwà-òhwèlì hwa hwèlìŋgɛ̀ ema hwà mà ohwa lì hvomɛ̀nɛ̀ hweyà ema hwe o gbèyɛ̀nɛ o e hvonda ema e o jɛ̀ɛ̀ o worzo ò lì hvomɛ̀nɛ̀ lìŋgi lì rzùŋgàhwa ema Lohwɛ̀ à mà ohwe nanù ema a e ŋgba na jàhwèyà. Wɔ hwà mà hvuŋguwa na lì arzirzɛ kɔ̀yi-kɔ̀yi lì hvomɛ̀nɛ̀ lìni lì rzùŋgàhwa.