Matiyò 10:4 - Mokpwe: Bakwery (New Testament)

⁴ Rzìmɔ̀nì mòtò ema lì emeyà la eni lì rza àyèŋgòwɛ̀, na Jùdàrzì Ìrzìkarìyɔ̀tɛ̀, ema à mà àhwirzɛ̀ Yerzù.

Matiyò 10:4 Mawu Ofanana

Matiyò 26:14

Rzìi Jùdàrzì Ìrzìkalìyɔ̀tɛ̀ ema à mà hwɛ mɔ̀kɔ wa lìyòmɛ̀ la hwà-òkòwèlì na hwahwàkɛ hwa ama Yerzù, à mà ɛ̀ndɛ lì ùŋmanɛlɛ Ipìlìrzì ndɛnɛ,

Matiyò 26:15

rzìi a hwa ijòwa nanù ema, “È hwèlì tɛ ema nà e àkɛ̀lɛ̀lɛ̀yì tɛ Yerzù ò lì mò ŋgbaŋgɛ, mamɛ e tànɛyi lì nò ŋgbà e?” Rzìi hwa mò tɛ̀tìrzɛ̀ rzayiyàwò ja hwɛ̀ɛkɛ̀ hwe rzilìwa.

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Matiyò 26:47

Nà òma Yerzù à mà hwɛ lì òhwa, Jùdàrzì Ìrzìkalìyɔ̀tɛ̀ mɔ̀kɔ wa eni hwa Lìyòmɛ̀ là Hwà-òkòwèlì nà hwahwàkɛ, à mà jà nà è ŋgindi ndɛnɛ yà hwatò ema hwa mà òhva ì rzɔ̀lɔ̀, nà hweeye hwa mà òmahwa ndi nà Ipìlìrzì ndɛnɛ nà hwàmbaki hwa mbòwà.

Matiyò 27:3

Nà òma Jùdàrzì ema à mà àhwirzɛ̀ Yerzù à mà ɛnɛ nanù ema e kòti e ma akɛlɛ e mbakò nanù ema Yerzù a òŋwàhwà, à mà kpa ŋmèma ò lìtòna ema à mà gbèèye. Èŋge eyà e ma mò gbeyà nanù ema a timbirzɛlɛlɛ ipìlìrzì ndɛnɛ na hwàmbaki hwa mbòwa e rzàyiyàwò ya hwɛ̀ɛkɛ̀ hwe rzilìhwa ema hwa mà mò ŋgbe.

Makòrzì 14:10

Jùdàrzì Ìrzìkalìyɔ̀tɛ̀ mɔ̀kɔ wa lìyòmɛ̀ la hwà-òkòwèlì nà hwahwàkɛ hwa ama Yerzù, à mà ɛ̀ndɛ lì ùŋmanɛlɛ Ipìlìrzì ndɛnɛ ò lì hwa àhwirzɛ̀lɛ̀lɛ̀ Yerzù.

Makòrzì 14:43

Nà òmà Yerzù à mà hwɛ lì òhwa, Jùdàrzì rzìi à jà. Jùdàrzì ema à ma hwɛ mɔ̀kɔ wà lìyòmɛ̀ là hwà-òkòwèlì nà hwahwàkɛ hwa ama Yerzù. À mà jànà è ŋgìndì. Hwàŋga hwatò hwà mà akpatɛ nà irzɔ̀lɔ̀ rzìi hwa òhva hvɛ imbèhva. Ène ŋgìndì è mà òmahwa ndi nà Ipìlìrzì ndɛnɛ nà hwà-òkòlèlì hwa mbenda nà hwàmbaki hwa èkòmè yà Irzàyɛ̀lì.

Lukàrzɛ̀ 22:3

Mòkarzɛ̀ à mà kpèeyà mòòkòwèlì mɔ̀kɔ wà ama Yerzù ema à ma hwɛ̀lɛ̀hwɛ̀ Jùdàrzì. Lìnɛ̀yi lìna la eni hvɛ lì mà hwɛ ndi Ìrzìkalìyɔ̀tɛ̀. Jùdàrzì à ma hwɛ ndi mɔ̀kɔ wà lìyòmɛ̀ la hwà-òkòwèlì nà hwàhwàkɛ̀ hwa ama Yerzù.

Lukàrzɛ̀ 22:47

Nà òmà Yerzù à mà hwɛ lì òhwà, ŋgìndì ndɛnɛ̀ è mà jà. È mòtò ema à mà hwa tìmba à mà hwɛ ndi Jùdàrzì, mɔ̀kɔ hwà lìyòmɛ̀ la hwà-òkòwèlì wà eni nà hwàhwàkɛ̀. Jùdàrzì à mà ɛ̀ndeya Yerzù, rzìi à mò arzàŋgànɛ̀lɛ̀.

Yòwanìrzɛ̀ 13:2

Yerzù na hwà-òkòwèlì hwa eni hwà mà hwɛ lì laa Mòlèlì mò ŋgòmbe. Mòkarzɛ̀ à mà hwɛ à mà màa lì ika màlùtèyà ma wòhwe ò ŋmèma mo ama Jùdàrzì Ìrzìkalìyɔ̀tɛ̀ ò lì àhwirzɛ̀ Yerzù. Jùdàrzì Ìrzìkalìyɔ̀tɛ̀ à mà hwɛ ndi e ŋmanà wa mùnyanà wa ama Rzìmɔni.

Yòwanìrzɛ̀ 6:64

Ndi ò hwèlì lòŋgò la hwa inyɔ ema e rza lòkɛ̀yì.” (Li wòteyà lìrzakò ema Yerzù à mà wòteyà lì òkòlɛ à ma hwiya hwatò ema hwa rza lòkɛ̀ ndèŋgàna hwà mà hwɛnɛ lì mò àhwirzɛ̀).

Yòwanìrzɛ̀ 6:71

A mà hwɛ ndi lì òhwàna Jùdàrzì e ŋmanà wà ama Rzimɔ̀ni Ìrzìkalìyɔ̀tɛ̀. Tɔ nɛ à mà hwɛ ndi mɔ̀kɔ hwa lìyòmɛ̀ la eni la hwà-òkòwèlì na hwahwakɛ mɔ̀ ndi à mà hwɛnɛ lì àhwirzɛ̀ Yerzù.

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 1:25

ò lì hwɛ̀ɛ e àpɔ̀rzìtòlò ò lì timbana èki ya ama Jùdàrzì, mɔ̀ ema à mà màa lì ɛndɛ ò èki ema e mò lɔ̀ɔnì.”