Matiyò 10:3 - Mokpwe: Bakwery (New Testament)

³ Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 10:3 Mawu Ofanana

Matiyò 18:17

A rzi imanɛlɛ tɛ mamɛ ema imbòŋgi jò òhwi, ò mò ɛ̀ndɛnɛ ò mìitelì, a rza emelì hvɛ tɛ lì hweyàna e hwaa mìitelì ò mò wòwe nàa mɔ̀kɔ ema a rza lòkɛ̀yì tɔ̀ e mòrzaŋgelì wa e njàŋge ya lìkànèyà.

Matiyò 27:56

Màlìyɛ̀ Màdàlènì, Màlìyɛ̀ è nyàŋgò yà ama Jèmìrzì nà Jòrzɛ̀hvù, nà è jòjìyɛ̀ yà ama Rzɛ̀bɛ̀dì hwa mà hwɛ ò ìtììtènì jà hwaŋga hwalanà.

Matiyò 9:9

Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.

Makòrzì 15:40

Ò mà hwɛ hwalanà ema hwa mà tɛ̀mɛ̀ hvòka rzi hwa ɔ̀ŋgɔ mamɛ yà arzɛ ema è mà gbèyɛ̀nɛ̀. Hwanù hwalanà hwa mà hwɛ ndi Màlìyɛ̀ mà Màdàlènì, Rzàlòmɛ̀, Màlìyɛ̀ è nyàŋgò yà ama Jèmìrzì enɔ̀ŋgɔ̀ni yà ama Jòrzɛ̀hvù.

Makòrzì 2:14

Nà òmà à mà hwɛ lì akà ò njìya, à mà ɛnɛ mòrzàŋgèlì mɔ̀kɔ wà è njàŋge yà lìkànèyà ema à mà hwɛ̀lɛ̀hwɛ̀ Lɛ̀hvì, è ŋmanà wà àma Alìhvɔ̀rzì. Lɛ̀hvì à mà lìya ò lìyɛhvɛ ema à mà hwɛ lì rzàŋgìrzɛ̀ è njàŋge yà lìkànèyà. Yerzù rziì à mò òhweyà nanù ema, “O nò òŋgame.” Lɛ̀hvì rziì a tɛ̀mɛ̀ a mò òŋgama.

Makòrzì 3:18

Àndèlè, Hvìlìpì, Bàtòlomìyò, Màtìyò, Tɔ̀màrzì, Jèmìrzì è ŋmanà wà àma Alìhvɔ̀rzì, Tàdìyòrzɛ̀, Rzìmɔ̀nì mòtò ema lì emeyà la eni lì rza àyèŋgòwɛ̀,

Lukàrzɛ̀ 18:10

“Hwatò hwàhwàkɛ̀ hwa mà ɛ̀ndɛ ò Ndawò yà Lohwà ò lì kànɛ̀. Mɔ̀kɔ à mà hwɛ ndi hvàlìrzàyì. Ɔ̀nɛ̀yi hvɛ à mà hwɛ ndi è mòrzàŋgèlì wà è njàŋge yà lìkànèyà.

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Lukàrzɛ̀ 18:13

“Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Lukàrzɛ̀ 19:2

O tenì yà èŋge mbòwà, ò mà hwɛ èhwàŋgì ya mòtò mɔ̀kɔ ema à ma hwɛ ndi è mòrzàŋgèlì wà è njàŋge yà lìkànèyà. Lìinà la eni lì mà hwɛ ndi Rzàkiyɔ̀rzì.

Lukàrzɛ̀ 5:27

O mburzà hvònda, Yerzù à mà anjiya ò èŋge èki. O hwɛ̀ɛ̀ndèlì hwe eni a ɛnɛ̀ mɔ̀kɔ̀tèlì mɔ̀kɔ wà è njàŋge yà lìkànèyà à ma hwɛ̀lɛ̀hwɛ̀ Lɛ̀hvì. À mà lìya ndi ò tenì ya èŋge ndawò ema a mà hwɛ lì rzàŋgeya è njàŋge yà lìkànèyà. Yerzù rzìi à mò òhweyà nanù ema, “O nò òŋgame.”

Yòwanìrzɛ̀ 1:48

Nàtànìyɛ̀lì rzi à ijòwa Yerzù nanù ema, “Nɛ ò gbèyi ònò hwiyelì e?” Yerzù rzìi à mò alàhwɛ̀ nanù ema, “Tɔ̀ biyana Hvìlìpì à ò hwɛlɛ nà mà ò ɛnɛ ò rze yà gbèe wò ehvùma yà nyɔ̀hvinyà.”

Yòwanìrzɛ̀ 11:16

Tɔ̀marzì (ema à mà hwɛ̀lɛ̀hwɛ̀ hvɛ ema Mayirzɛ), rzìi a òhweyà wònyànyàŋgò hwa hwà-òkòwèlì nanù ema, “Inyɛ̀ irzɔ hvɛ jɛ̀ɛ̀ ɛ̀ndɛ aŋga na mɔ̀ àŋga nanù e hwèlì hvɛ tɛ ema kpelì irzɔ hvɛ i ŋwa na e Mòòkòlèlì.”

Yòwanìrzɛ̀ 14:22

Jùdàrzì rzìi (rzeketɛ Jùdàrzì Ìrzìkalìyɔ̀tɛ̀) a òhwa nanù ema, “Ndi, ìi Rzàŋgò, mamɛ ndeŋgatɛ ò jò àwuŋmɛ̀lɛ̀ ò wà witi ndi ò rza ò awuŋmɛ̀lɛ̀ e rze e?”

Yòwanìrzɛ̀ 14:5

Tɔ̀màrzì à mà ijòwà Yerzù nanù ema, “Ìi Rzàŋgò, irzɔ irza hwi èki ema ò ɛ̀ndɛ, nɛ rzɔ irzɔ i tànɛyi lì hwiya e njiya ema e ɛndɛ aŋga e?”

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 12:17

Pètrò a hvɛ̀tɛ̀lɛ̀ lìya la eni lì hwa uŋmɛ̀lɛ̀ nanù ema hwa lìya ŋmɛ̀ɛ, rzìi a hwa òhweyà nɛ Rzàŋgò a mò timbi ò lì anjiya ò hwèwòwà. A hwa òhweyà nanù ema, “È òhweyà Jèmìrzì nà hwanɛ̀yi hwatò ema hwa lòkɛ̀ Krirztò mamɛ ema e ma gbèyɛ̀nɛ.” Rzìi à hwa hwɛmɛ, a ɛ̀ndɛ ò èhvɛhvɛ èki.

Hwègbèèlì 15:13

Lirzakò ema hwà mà kulɛ lì òhwa, Jèmìrzì rzìi a òhwa nanù ema, “Wònyànyàŋgò hwa ami e nò òkànèyà tɛ!

Hwègbèèlì 21:18

O wònɛyi wùnyà Pàwolò à mà ɛndɛ na irzɔ ò lì ɛnɛ Jèmìrzì. Hwàtimbèlì hwa arzɛ hwà mitèlì, hwà mà ukeya aŋga.

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

Gàletìyà 2:9

Jèmìrzì, Pètrò nà Yòwanìrzɛ̀ ema hwatò hwà mà hwiye nàa màwòndì ma ŋmèmba, hwà mà ayèmbɛ nanù ema Lohwɛ̀ ndi à mà no ŋgba ene ndèli ya lì hwɛ e àpɔ̀rzìtòlò ya eni, o eŋgànɛ̀lɛ̀ wɔ̀ hwà mà jo hwatɛ irzɔ na Bànàbàrzì o lì uŋmɛ̀lɛ̀ nanù ema hwà mà emeyà nanù ema irzɔ na wɔ̀ i gbeyà ndi èwòlò yɔ̀kɔ. Irzɔ na wɔ̀ i ma tɛ̀yirzɛyi nanù ema i hwɛ o lì ohweyà hwatò ema hwa rza enje wònyà Yudà ŋmɛ̀ndì mò gbamù, na oma wɔ̀ hvɛ hwa lìmeya ndi o lì ohweyà wònyà Yudà ŋmɛ̀ndì mò gbamù.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.