Matiyò 10:2 - Mokpwe: Bakwery (New Testament)

² Mììnà mà lìŋgi lìyòme la àpɔ̀rzìtòlò na hwàhwàkɛ̀ ma hwèlì ndi: È wà wòrzò Rzìmɔ̀nì, ema à mà hwɛ̀lɛ̀hwɛ̀ Pètrò nà ŋmanyàŋgò wa eni Àndèlè. Jèmìrzì nà ŋmanyàŋgò wa eni Yòwanìrzɛ̀ hwàànà hwa ama Rzɛ̀bɛ̀dì,

Matiyò 10:2 Mawu Ofanana

Matiyò 17:1

O mburzà yà mèènyà mòtòhwa Yerzù rzìi a wòwa Pètrò, Jèmìrzì, na Jèmìrzì ŋmanyàŋgò wa enì Yòwanìrzɛ̀ rzìi a hwa timba ò hvàko ema e kàrzamì ò ekì ema hwà mà hwɛ wɔ̀ mɛnɛ.

Matiyò 20:20

O mburza hvònda, e jòjìyɛ̀ ya ama Rzɛ̀bɛ̀dì e ma jà òma Yerzù na hwàna hwa eni hwa wunyanà hwahwàkɛ. Rzi a rzùmeya Yerzù màwɔ̀ŋgɔ̀ŋgɔ̀ ò rze, rzìi a mò atɛkɛ ò lì mò gbeyà eyà.

Matiyò 26:37

Yerzù à mà wòwa Pètrò nà hwàànà hwa wunyanà hwa ama Rzɛ̀bɛ̀dì hwahwàkɛ. A ma ònda ndùtù na mòtaka ò ŋmèma.

Matiyò 4:18

Wùnyà wɔ̀kɔ Yerzù à mà hwɛ lì ɛndeya ò rzààwà yà yùlu yà Galìlì. À mà ɛnɛ hwàna hwa wunyanà hwàhwàkɛ̀ hwa nyàŋgò hvɔ̀kɔ. Rzìmɔ̀nì ema à mà hwɛ̀lɛ̀hwɛ̀ Pètrò nà ŋmanyàŋgò wà eni Àndèlè. Hwa mà hwɛ lì kòmà imbunja ja awu ò yùlu yà malìhwa, èhwanja wɔ̀ hwa mà hwɛ ndi hwatò hwa mòrzòmbò.

Matiyò 4:21

Nà òma hwa mà rzùrzùhweya ò wòrzò, Yerzù rzi à ɛnɛ hvɛ hwahvɛhvɛ hwàna hwa wunyanà hwahwàkɛ, hwa nyàŋgò hvɔ̀kɔ Jèmìrzì nà ŋmanyàŋgò wà eni Yòwanìrzɛ̀. Hwa mà hwɛ ò tenì yà wɔ̀lɔ̀ wɔ̀kɔ nà è rzàŋgò yà awu Rzɛ̀bɛ̀dì hwa mà hwɛ lì rzɛ̀ŋgɛnɛ imbunja ja awu. Yerzù rzìi à hwɛlɛ hwaŋga hwàna hwa wunyanà hwàhwàkɛ̀ ema hwa mò nɔŋge.

Makòrzì 1:29

Lìwòkimɛnɛ nà òmà hwa mà anjiye ò è ndawò yà Yudà yà màkanɛ̀, Yerzù, Jèmìrzì, nà Yòwanìrzɛ̀ hwa mà ɛ̀ndɛ ò ndawò yà àma Rzìmɔ̀nì nà Àndèlè.

Makòrzì 13:3

Yerzù a mà ɛ̀ndɛ lì lìya ò mòòlì mò Njàhwɛ̀. Mòŋgò mòòlì mò ma hwɛ ndi lì ɔŋgɔ̀ e Ndawò yà Lohwà. Aŋga ndi Pètrò, Jèmìrzì, Yòwanìrzɛ̀ na Àndèlè hwà mà ùŋma Yerzù rzìi hwa mò ijòwa ò wùndɛ nanù ema,

Makòrzì 6:30

I àpɔ̀rzìtòlò ema Yerzù à mà òme, ima tìmba lì mò ùŋma rzìi hwa mò òhweyà hweyà hwe arzɛ e ma hwà mà gbeye, na hweyà hwe arzɛ e ma hwa mò òkòlɛ̀.

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Lukàrzɛ̀ 22:14

Èŋge hvònda yà è ndèma yà lì Akà Ɔnɛ̀yi e mà ùke, Yerzù nà lìyòmɛ̀ la eni la hwà-òkòwèlì nà hwàhwàkɛ̀ hwa mà lìya ò lì làa mòŋgò mòlelì.

Lukàrzɛ̀ 22:8

Yerzù rzìi a òma Pètrò nà Yòwanìrzɛ̀, a hwa òhweyà nanù ema, “È ɛ̀ndɛ̀ e rzɛ̀ŋgɛ̀nɛ̀ hwèlèèlì hwe lì Akà Ɔnɛ̀yi.”

Lukàrzɛ̀ 5:10

Hwaana hwa ama Rzɛ̀bɛ̀dì, ema hwa hwɛ̀lɛ̀hwɛ̀ Jèmìrzì nà Yòwanìrzɛ̀ ema wɔ̀ hvɛ hwà mà hwɛ lì lɛ̀mbɛ inyàmà wɔ̀ hvɛ hwa mà jeja. Ɔ̀ndi Yerzù a òhweyà Rzìmɔ̀nì Pètrò nànù ema, “Ò rzi òka wɔ̀ŋgɔ̀! Lìwòteya nàŋgɛ ò rzèkeya mèèmà me hwatò ò lì nò òŋgama.”

Lukàrzɛ̀ 9:10

È hvònda ema hwà-òkòwèlì hwa mà tìmbe, hwa mà òhweyà Yerzù mamɛ ya arzɛ ema hwa mà gbèyè. Yerzù rzìi a hwa wòwà a hwa ɛ̀ndɛnɛ tòŋgòŋgò hvɔ̀kɔ, ò mbòwà yà Bɛ̀trzàyìdà ò lì hwɛ wɔ̀ hwìti.

Yòwanìrzɛ̀ 12:22

Hvìlìpì à mà ɛ̀ndɛ lì òhweyà Àndèlè. Rzìi wɔ̀ hwahwàkɛ hwa ɛ̀ndɛ lì òhweyà Yerzù.

Yòwanìrzɛ̀ 13:23

Mɔ̀kɔ wà hwaŋga hwànɔ̀ŋgèlì hwa ama Yerzù ema mɔ̀ à mà lìŋgàne rzìi à lììyà ò tòŋgòŋgò yà eni.

Yòwanìrzɛ̀ 20:2

A ma ɛ̀ndɛ lìhwaŋgi na lì hvinjɛlɛ rzi a ùŋmanɛlɛ Rzìmɔ̀nì Pètrò nà òhvɛhvɛ mòòkòwèlì wa ama Yerzù, òŋgò mòòkòwèlì à mà hwɛ ndi e mɔ̀ e ma Yerzù à mà lìŋgàne. Rzìi Màlìyɛ̀ a hwa òhweyà nanù ema, “Hwà mà ulɛ èhwèmbè ya ama Rzàŋgò ò rzɔ̀ŋgɔ̀, ò èŋgànɛ̀lɛ̀ i rza hwi èki ema hwa mò ikayi.”

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Yòwanìrzɛ̀ 21:20

Pètrò à mà ɔ̀ŋgɔ ò mburza rzìi à ɛnɛ ɔ̀nɛyi Mòòkòwèlì wà ama Yerzù ema Yerzù à mà lìŋgàne à hwa òŋgama. È mɔ̀ ema à mà lììyà Yerzù ò tòŋgòŋgò è hvònda hwa mà hwɛ lì làa è ŋgòmbe. Mɔ̀ hvɛ ndi à mà ijòwa nanù ema, “Ìi Rzàŋgò njɛnɛ à hwɛnì lì ò àhwirzɛ̀ e?”

Yòwanìrzɛ̀ 21:24

È mòòkòwèlì ò nò ema a tɛ̀mɛ̀ mbòŋgi ya hwene hweyà ndèŋgàna mɔ̀ ndì a hwe tilì. Ndèŋgana i hwi nanù ema tɔ̀ mamɛ a òhwi e hwèlì ndi e jɔ̀kɛ̀.

Yòwanìrzɛ̀ 6:67

Yerzù rzìi a ijòwa lìyòmɛ̀ la eni la hwà-òkòwèlì na hwahwàkɛ nanù ema, “Inyɔ hvɛ e arza lì timbeya ò mburza e?”

Yòwanìrzɛ̀ 6:70

Yerzù rzìi a hwa alàhwɛ̀ nanù ema, “Rzeke nà mà è hvɔ̀rzɔ̀ inyɔ lìyòmɛ na hwahwàkɛ ndi mɔ̀kɔ hwa anyu a hwèlì ndi mòkarzɛ̀”

Yòwanìrzɛ̀ 6:71

A mà hwɛ ndi lì òhwàna Jùdàrzì e ŋmanà wà ama Rzimɔ̀ni Ìrzìkalìyɔ̀tɛ̀. Tɔ nɛ à mà hwɛ ndi mɔ̀kɔ hwa lìyòmɛ̀ la eni la hwà-òkòwèlì na hwahwakɛ mɔ̀ ndi à mà hwɛnɛ lì àhwirzɛ̀ Yerzù.

Yòwanìrzɛ̀ 6:8

Rzìi òhvɛhvɛ Mòòkòwèlì hwa ama Yerzù, Àndèlè Rzimɔ̀ni Pètrò ŋmanyàŋgò wà eni à òhwa nanù ema,

Hwègbèèlì 1:13

Nà òma hwa mà kpèeyà ò mbòwa, rzìi hwa agba ò ŋmanyu è ndawò yà ndɛkì ò tùù ema hwa mà hwɛ lì lìya. Iŋgi àpɔ̀rzìtòlò ì mà hwɛ ndi, Pètrò, Yòwanìrzɛ̀, Jèmìrzì nà Àndèlè. Hvìlìpì nà Tɔ̀màrzì, Bàtòlomìyò nà Matìyò, Jèmìrzì è ŋmanà wà ama Alìhvìyòrzɛ̀, Rzìmɔ̀nì mòtò ema lì emeyà là eni lì rza à àyèŋgòwɛ̀ nà Jùdàrzì è ŋmanà wà ama Jèmìrzì.

Hwègbèèlì 1:26

Aŋga ndi hwa àŋgbà lìnjàŋgà ò lì uŋmɛ̀lɛ̀ e mòtò ema a ò hvɔ̀rzɔ̀wɔ̀. Lìnjàŋga rzìi lì hwa uŋmɛ̀lɛ̀ nanù ema hwa hvɔ̀rzè Màtìyàrzì. O eŋgànɛ̀lɛ̀ rzɔ, à mà hwàtɛ̀hwɛ̀ ò lìnɛ̀yi lìyòmɛ̀ la àpɔ̀rzìtòlò na mɔ̀kɔ.

Hwègbèèlì 12:2

A ma gbeyà ema hwà mà ŋgbaŋgɛ Jèmìrzì, Yòwanìrzɛ̀ ŋmanyàŋgò wa eni, rzìi hwà mà òŋwàna na e rzɔ̀lɔ̀.

Hwègbèèlì 3:1

Wùnyà wɔ̀kɔ̀ Pètrò nà Yòwanìrzɛ̀ hwà mà hwɛ lì ɛ̀ndɛ ò Ndawò yà Lohwà ò e hvònda ya màkanɛ̀. Èŋge hvònda e ma hwɛ ndi ŋgɛ̀ŋgì iyàwò ja ŋmerze.

1 Kɔ̀rintìyà 15:7

O mburzà ya hvonda à mà wurzeya Jèmìrzì, rzìi a wurzeya hvɛ inɛyi àpɔ̀rzìtòlò ja arzɛ.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

1 Pètrò 1:1

Imba Pètro ema na hwèlì e àpɔ̀rzìtòlò ya ama Yerzù Krirztò ndi na tilì ene kààti. Nà e tìleya ndi hwatò hwa ama Lohwɛ̀ ema hwa hvɔ̀rzɔ̀hwì, ema hwà mà wuhweyà ndèŋgànɛ̀lɛ̀ hwa hwèlì ndi nàa hwàyɛ̀nì o hwèrzòòkà hwe Pòntìyùrzì, Gàlerzìyà, Kapadorzìyà, Èrzìyà na Bìtìnìyà.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.

3 Yòwanìrzɛ̀ 1:1

Imba e mòtìmbèlì wa ŋmèmba, imba ndi na o tìleya o wa Gàyiyùrzì ene kààti. Nà o lìŋgàni na e jɔ̀kɛ̀.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 18:20

Inyɔ ema e hwèlì o ŋmanyu yà lohwà e oke mɔ̀nyɛ̀ŋgì o nyòla e kɔ̀kìrzɛ̀ ema oŋgo molanà à mà luwe. Inyɔ hwatò hwa ama Lohwɛ̀, i àpɔ̀rzìtòlò na hwà-òhwèlì hwa hwèlìŋgɛ̀ e oke mɔ̀nyɛ̀ŋgì ehwànja Lohwɛ̀ à mà akɛlɛ e mbako o lì mo teŋgɛ̀nɛ̀ o nyòla mamɛ ema mɔ̀ à e gbèelì.

Hwèwulùwèlì 22:8

Imba Yòwanìrzɛ̀ ndì nà mà hweyà na lì ɛnɛ hwene hweyà. Nà oma nà mà hwe hweye na lì hwe ɛnɛ, nà mà kpa o rze o worzo wo eŋge aŋgèlì ema e ma no uŋmɛ̀lɛ̀ hwene hweyà, o lì mo kànɛ.