Matiyò 10:16 - Mokpwe: Bakwery (New Testament)

¹⁶ Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Matiyò 10:16 Mawu Ofanana

Matiyò 24:25

È òkànèyà, nà mà e òhweyà ene eyà ndèŋgànà e ò gbèyɛ̀nɛ.

Matiyò 24:45

“Njɛnɛ rzɔ a hwèlì e mògbèèlì hwa lìhwiyè na e jɔ̀kɛ̀ e? Mɔ̀ ndi rzàŋgɛ wa eni wa èwòlò a ŋgba e wònja ò lì kànèyà hwanɛ̀yi hwàgbèèlì ò lì hwa ŋgba mòlelì mò awu ò e hvònda ema e hvòmɛ̀nɛ̀.

Matiyò 25:2

Ò ìtììtènì jà lìŋgi lìyòme là hwàna hwa ŋgɔ̀ndɔ̀ hwata hwa mà hwɛ èèti, hwanɛ̀yi hwàtànɛ̀ wɔ̀ hwa mà hwɛnɛ lìhwiyè.

Matiyò 25:4

Ndi hwaŋga hwa lìhwiyè hwa mà awòmbɛlɛ mahvɛhvɛ mànyàŋga màŋgele ò hwèhvòrzì ò lì gbeyàna ò hwètùlù hwe awu.

Matiyò 25:9

Hwàŋga hwa lìhwiyè rzìi hwa hwà alàhwɛ̀ nanù ema, ‘Jàyɛ̀! Mamɛ ema jò òhvi, è rza ò jò tànɛ, irzɔ nà inyɔ. È ɛ̀ndɛ ò ndawò jà nyòŋga, è andelɛ mànyàŋga màŋgele.’

Lukàrzɛ̀ 10:3

È ɛ̀ndɛ̀ ndì, e hwiyè nanù ema, nà e òmà ndi nàa mɛ̀lɛ̀ŋgù ò ìtììtènì ja njùhwɛ̀.

Lukàrzɛ̀ 21:15

Nà è ŋgbà mamɛ ema ya òhwa, na mahwiye ò lì hwe òhwa, ema tɔ̀ hwakɔ̀èlì hwa anyu hwa rza ò tànɛyi lì è ɛkɛ̀, nà lì rzɔ̀rzɔ mamɛ ema e ò hwɛ̀ɛ.

Hwègbèèlì 20:29

Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 11:14

Ène eyà e rzà no tàmìrzɛ̀ èhwanja, tɔ̀ Mòkarzɛ̀ mɔhvɛ a àwuŋmɛ̀lɛ̀ mo ŋmìti hwa ɛnɛ oma a hwèlì ndi aŋgèlì yà ama Lohwɛ̀ ya wòtani.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

2 Kɔ̀rintìyà 8:20

Irzɔ irza arza nanù ema tɔ̀ mòtò a tɔ̀kirzɛnɛ, o ŋgàna ya èwòlò ya arzu ya eenji ema i gbeyà.

Hvìlipìyà 2:15

O lì arza nanù ema inyɔ e rza hwɛ̀lɛ̀hwɛ̀ ndèŋgànɛ̀lɛ̀ e rzaŋgi. Ène ŋgànà e hwèlì ndi nanù ema inyɔ e o hwɛ hwàanà hwa ama Lohwɛ̀ ema hwa rza ohvɛ tɔ̀ njɔ̀mi, ema hwa hwèlì o ìtììtènì ja hwatò ema hwa gbeyà wòhwe hvonda tɛ. Inyɛ̀ e hwɛ o ìtììtènì ja awu o e rze ya mɔ̀nyɛ̀ nàa rzombe ndi i hvànya ihvonda ja arzɛ.

Kòlòrzìyà 1:9

Ò lìni lìtiŋgà rzɔ, irzɔ i hwèlì jè è kànɛ̀lɛ̀lɛ̀ tɔ̀ ima hvonda. Ì kanɛ̀ nanù ema inyɛ Lohwɛ̀ à gbèye inyɔ è rzɔ̀ŋgìtɛ̀nɛ̀ kɔ̀yi-kɔ̀yi eyà ema mɔ̀ à arza nanù ema è gbèyè. Ì kanɛ̀ nanù ema Lohwɛ̀ à è ŋgbe lìhwiyè nà lì rzɔ̀ŋgìtɛ̀nɛ̀ aŋga nanù è rzɔ̀ŋgìtɛ̀nɛ̀ gbamù eyà yà Èlìŋgɛ̀.

Kòlòrzìyà 4:5

È hwɛni lì aŋgowa nà oma inyɔ è gbèeyà nà hwaŋga hwatò ema hwa rza enje hwàlokelì hwa ama Krirztò. È gbeyàne ihveyo ja arzɛ ema e lùu o lì gbeyà gbamù.

1 Tɛ̀rzàlonìyà 2:10

È hwèlì ndi imboŋgi ja arzu, ndèŋgànɛ̀lɛ̀ Lohwɛ̀ mɔ̀ hvɛ a hwèlì ndi e mboŋgi ya arzu, e hvonda ema i ma hwɛ o ìtììtènì ja anyu, inyɔ ema e lòkɛ̀yi, ɛ̀ɛ̀mɛ̀ ya arzu e ma rzàŋga, i ma hwɛ lì gbeyà hweyà hwe gbamù ndèŋgànɛ̀lɛ̀ i rzi hwɛnɛ tɔ̀ njɔ̀mi tɔ̀ hvɔ̀kɔ o inyo ja arzu.

1 Tɛ̀rzàlonìyà 5:22

È rzi hwɛnɛ eyà o lì gbèeyàna hweyà ema hwe rza hvomɛ̀nɛ̀ ema wɔ̀ hwa ohwa.