Matiyò 1:23 - Mokpwe: Bakwery (New Testament)

²³ “È òkànèyà mɔ̀ɔ̀mbɔ̀ mò ŋgɔ̀ndɔ̀ ema mò rzi hwi munyanà mò lìta lèmì, mò ŋya ŋmanà wà mùnyanà, hwa ò mò hwɛlɛ ndi Èmànùwɛ̀lì.” Jàànda jà lini lìinà lì hwèlì ndi nanù ema, “Lohwɛ̀ à hwèlì nà irzɔ̀.”

Matiyò 1:23 Mawu Ofanana

Matiyò 1:24

È hvònda ema Jòrzɛ̀hvù à mà ìmòwè ò ijɔ̀ à mà gbèya mamɛ è aŋgèlì yà Lohwɛ̀ è mà mò òhwèyà. À mà wòwà Màlìyɛ̀ ò lì hwɛ è jòjìyɛ̀ yà eni.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Lukàrzɛ̀ 20:44

Nà òma Kiŋgɛ Dàhwitì ŋmitɛ-ŋmitɛ à mà lòme lì mò hwɛlɛ Rzàŋgò, nɛ rzɔ è Mɔ̀ ema à Ɔ̀kirzɛ̀hwɛ̀yi a tànɛyi lì hwɛ e ŋmanà wà eni e?”

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Hwègbèèlì 18:9

Wu wɔ̀kɔ e Rzàŋgò e ma òhwirzɛnɛ Pàwolò ò jɛ̀nɛni, à mà mò òhweyà nanù ema, “O rza òka tɔ̀ wɔ̀ŋgɔ̀, hwɛ ndi ò lì òhwa nanù mɛnɛ, ò rzi lìya ŋmɛɛ.

Ròmànì 8:31

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

Ròmànì 9:5

Wɔ̀ hwa uwɛlɛlɛyi ndi ò mòtende mò ama imbamba ja arzu ja kòhwa. Ndeŋgànɛ̀lɛ̀ Krirztò ò hwehwɛ̀ɛlì hwe eni nàa e mòtò wa hwènàmà, mɔ̀ à uwɛlɛlɛyi ndi ò mòtende mò awu. Inyɛ̀ Lohwɛ̀ ema a kànèyà hweyà hwe arzɛ a ekàhwè i hvònda ja arzɛ. Inyɛ̀ wò lìya nanù.

2 Kɔ̀rintìyà 5:19

Mamɛ ema imba na ohwa, e hwèlì ndi lì hvomɛ̀nɛ̀ e kpelì ema Krirztò à mà ŋwèeyà o mbarza. Lohwɛ̀ à mà gbeyà ema hwatò hwa uke o lì ahweyànɛ na mɔ̀. Lohwɛ̀ a rza kɔki wòhwe ema hwatò hwà mà gbeyɛ ndèŋgàna a jo ŋgbelì èwòlò, o lì ohweyà hwatò nanù ema hwa tànɛyi lì hwɛ o ɛ̀yɔ̀lɛ̀ na Lohwà.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

2 Tìmotì 4:17

Ndi Rzàŋgo à mà hwɛ na imba à nò ŋgba hvɛ e ŋginyà. O eŋgànɛ̀lɛ̀ nà mà tànɛyi lì ohwa Ŋmɛ̀ndì mò Gbamù mò arzɛ mò ama Lohwɛ̀ nyayi ema hwaŋga hwatò ema hwa rza enje wònyà Yudà hwà mà mò òkànèyà. Rzàŋgo à mà no rzùŋgà ema hwa rzi no akɛ̀lɛ̀lɛ̀ e mbako ya kpelì.

2 Tìmotì 4:22

Rzàŋgo à hwɛ nà ò wà. È ndèli ya ama Lohwɛ̀ e hwɛ nà ò wà.