Matiyò 1:22 - Mokpwe: Bakwery (New Testament)

²² Hwenè hwe arzɛ hwe mà gbèyɛnɛ ò lì òndìrzɛ eyà ema Lohwɛ̀ à mà òme è mòòhwèlì wà èlìŋgɛ̀ ò lì òhwa nanù ema,

Matiyò 1:22 Mawu Ofanana

Matiyò 12:17

À mà gbeyà ndi nanù ò lì òndìrzɛ̀ e mbɔrzi ema Lohwà à mà òme e mòòhwèlì wà èlìŋgɛ̀ Àyìrzayà ò lì òhwa nanù ema,

Matiyò 13:21

Ndi Èya ya Lohwà e rza hwa rzɔ̀ŋgɔ ò mèèmà me awu, ndèŋgànà e rza kùwà mbɔ ò mèèmà me awu. O èŋgànɛ̀lɛ̀ rzɔ mòtàkà tɔ̀ mòhvùŋgu mò hwa jɛlɛlɛ tɛ lì hvòmɛ̀nɛ̀ mòŋgò ŋmɛ̀ndì mò ama Lohwɛ̀, wɔ̀ hwa rzɔnjɛ̀lɛ̀ ŋgelì hvɔ̀kɔ.

Matiyò 13:35

A ma gbeyà ene ò lì òndìrzɛ̀ mamɛ e Mòòhwèlì wà èlìŋgɛ̀ à mà òhwe nanù ema, “Nà ò gbeyàna ndi meyàna ò lì òhwìrzɛ̀nɛ̀ hwatò na ò hwa wuluweya hweyà ema hwe utami lì wòteya hwèwèkelì hwe e rze.”

Matiyò 2:15

Hwa mà lìya aŋga natɛ̀ɛ Hɛ̀rɔ̀dì à ŋwa. Hwenè hwe arzɛ hwe mà gbèyɛ̀nɛ ò lì òndìrzɛ̀ è mbɔrzi ema Tatɛ̀ à mà òme è mòòhwèlì wà èlìŋgɛ̀ ò lì òhwa nanù ema, “Ò Ìjiptò ndi nà hwɛlɛ è ŋmanà wà ami.”

Matiyò 2:23

À ɛ̀ndɛ̀ rzi à lìya ò mbòwà ndɛnɛ ema è mà hwɛ̀lɛ̀hwɛ̀ Nàrzàrɛ̀tì. Ene è mà gbèyɛ̀nɛ ndi ò lì òndìrzɛ̀ mamɛ Lohwɛ̀ à mà òhwèyà hwà-òhwèlì hwa hwèlìŋgɛ̀ lì hvòmɛ̀nɛ̀ Yerzù nanù ema, “À ò hwìyɛ̀nɛ ndi nàa mòtò wà Nàrzàrɛ̀tì.”

Matiyò 5:17

“È rza ɔ̀ŋgɛ̀lɛ̀ nanù ema nà jelì ndi ò rze ò lì limirzɛ imbenda ja ama Mòrzè nà hwèyà ema hwà-òhwèlì hwa hwèlìŋgɛ̀ hwa mà è òkòlɛ. Nà rza jelì ndi ò lì hwe limirzɛ̀ ndi nà jelì ndi ò lì hwe òndìrzɛ̀.

Matiyò 8:17

Yerzù à mà gbeyà ndi hwene hweyà hwe arzɛ nanù, ò lì òndìrzɛ̀ ŋmɛ̀ndì ema Lohwɛ̀ à mà òme lì akeyà nà è mòòhwèlì wà èlìŋgɛ̀ Àyìrzayà nanù ema, “À mà jò wòwàna inyambɛ ja arzu ja arzɛ. À mà wòwà hvɛ mètàkà mè arzu mè arzɛ.”

Lukàrzɛ̀ 21:22

Meenya me hwekɔkirzelì me ene. O ene hvònda ndi hweyà hwe arzɛ ema hwe ma tìlahwa hwe ò gbèyɛ̀nɛ.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 10:35

È hwɛni lì hwiya nanù ema Eyà ya Lohwà e rza kpa. Lohwɛ̀ a kpɛ̀yi hwatò lìinà ema mɔ̀ à mà òmane Eyà ya Lohwà ama hwa hwèlì ndì mòohwà.

Yòwanìrzɛ̀ 15:25

Ène eyà e ma hwɛnɛ lì gbèyɛ̀nɛ mɛnɛ, ò lì òndìrzɛ̀ mamɛ ema e tìlahwì ò e mbenda ya awu nanù ema, ‘Hwà mà nò kɔwu ŋgundɛ-ŋgundɛ.’”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 18:9

Ène eyà e ma gbèyɛ̀nɛ ndì aŋga nanù ò lì òndìrzɛ̀ hweyà hwa eni à mà òhwe, nanù ema, “Tatà na rza wɔ̀lɛnɛyi tɔ̀ mɔ̀kɔ wa hwaŋga ema ò nò ŋgbelì.”

Hwègbèèlì 3:18

Tɔ̀ nɛ e ma gbèyɛnɛ nanù, Lohwɛ̀ ŋmìti ndi à mà òndìrzɛ̀ e mbɔrzi ya eni na òma à mà òhweyà hwà-òhwèlì hwa eni hwa arzɛ hwa hwèlìŋgɛ̀ ema hwa òhwe nanù ema è Mɔ̀ ema à Ɔ̀kirzɛ̀hwɛ̀yi a ò taka.

Ròmànì 1:2

Mòŋgò Ŋmɛ̀ndì mò Gbamù mɔ̀ ndi Lohwɛ̀ à mà òhwe ndèŋgànà e hvònda nanù ema a ò ŋgba hwatò hwa eni. À mà òhweyà hwà-òhwèlì hwa hwèlìŋgɛ̀ hweyà lì hvòmɛ̀nɛ̀ mòŋgò Ŋmɛ̀ndì mò Gbamù na òma mò tìlahwì ò tenì ya e kààtì ya wòtani.

Hwèwulùwèlì 17:17

Hwa ò gbeyà ndi nanù ehwànja, Lohwɛ̀ à mà ika nà oma mɔ̀ àrzeyà nanù ema hwa gbèèyè ò mèèmà mè awu. Lohwɛ̀ à mà rzèkeyà nanù ema hwèŋge hwèembe hwe ohve ndi janda jɔ̀kɔ, ò lì mò gbèeyà nàa mòtò mɔ̀kɔ. Wɔ̀ hwa ò ŋgba eŋge nyàmà yà wòhwe màyìmbì mà awu mà lìkànèyà natɛ̀ɛ nà ò è hvonda ema hweyà ema Lohwɛ̀ à mà ohwe hwe ò ondìrzɛ̀hwɛ̀.