Matiyò 1:2 - Mokpwe: Bakwery (New Testament)

² Abràhamù à mà hwɛ ndi è rzàŋgò yà ama Irzàkì. Irzàkì mɔ̀ ndi à mà hwɛ è rzàŋgò yà ama Jèkɔ̀bù. Jèkɔ̀bù à mà hwɛ è rzàŋgò yà ama Judà nà wònyànyàŋgò hwa enì.

Matiyò 1:2 Mawu Ofanana

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 1:3

Judà nà jòjìyɛ̀ wà eni Tamà wɔ̀ ndi hwa mà ŋya Pɛ̀rɛrzì nà Rzɛrà. Pɛ̀rɛrzì ndi à mà hwɛ è rzàŋgò yà ama Hɛ̀rzɔ̀nì. Hɛ̀rzɔ̀nì ndi à mà hwɛ è rzàŋgò yà ama Ràmì.

Hwègbèèlì 7:8

Lohwɛ̀ rzìi a ŋgba Abràhamù hweyi ya lì endàhwa nàa embànèlì ya e hwèyi ya ama Lohwɛ̀ na hwatò hwa eni. O èŋgànɛ̀lɛ̀ Abràhamù à mà endà è ŋmanà wa eni Irzàkì ò mburza ya mèenyà lìrzamba me hwèŋyàhwèlì hwe eni. Irzàkì mɔ̀ hvɛ à mà endà è ŋmanà wa eni Jèkɔ̀bu, Jèkɔ̀bu hvɛ rzi a endà lìyòmɛ̀ la eni la hwàanà na hwàhwàkɛ̀ ema lì hwèlì imbamba ja arzu.

Hibrù 11:11

Lìlòkɛ̀ ndi lì ma gbeyà Rzèla ema à mà aka mokèka mo lìyalì o lì lìta lemi. A ma hwɛnɛ lìŋgi lìlòkɛ̀ èhwanja à mà lòkɛ̀ nanù ema Lohwɛ̀ a ohwi tɛ ema a gbeyà eyà a e gbeyà na e jɔ̀kɛ̀.

Hibrù 7:14

È ma hwiyàhwà gbamù nanù ema Rzàŋgo wa arzu e ma uwɛlɛlɛ ndi o lìtumba là Yudà. Ndèŋgànɛlɛ Morzè a rzi tùwe lìinà là lìni lìtumba e hvonda ema à mà ohwe lì hvomɛ̀nɛ̀ Ipìlìrzì.

Hwèwulùwèlì 7:5

Mɔ̀rzɔ̀ŋgi mo hwatò ema mo ma kukɛhwɛ eŋge eembànelì o imbɔ̀mbɔ̀ ja awu ema mo ma uwɛ̀lɛ̀lɛ̀yi o lìtumba la Judà mo ma hwɛ lìyomɛ̀ la hwekolì hwe hwatò na hwehwàkɛ. O lìtumba la ama Rubɛ̀nì o ma hwɛ lìyomɛ la hwekolì hwe hwatò na hwehwakɛ, o lìtumba la ama Gadì o ma hwɛ lìyomɛ la hwekolì hwe hwatò na hwehwakɛ.