Matiyò 1:18 - Mokpwe: Bakwery (New Testament)

¹⁸ Nanù ndi hwèŋyàyèlì hwe ama Yerzù hwe mà hwɛ: Màlìyɛ̀ è nyàŋgò yà ama Yerzù à mà hwɛ ndi mɔ̀ɔmbɔ̀ mò ŋgɔ̀ndɔ̀ ema à rzi hwiyɛ̀ munyanà. À mà hwɛ ndi ehwàndà yà ama Jòrzɛ̀hvù. Ndèŋgàna Màlìyɛ̀ à è ɛndɛ ò lì hwahwà, Jòrzɛ̀hvù hwa mà emba nanù ema Màlìyɛ̀ à mà hwɛ nà lèmì, ò lì akèyà nà è ŋginyà yà Èlìŋgɛ̀ yà Wòtani.

Matiyò 1:18 Mawu Ofanana

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 12:46

Nà òma Yerzù à mà hwɛ lì òhwànà e ŋgìndì, nyàŋgɛ nà wònyanyàŋgò hwa eni hwa ma tɛ̀mɛ̀ ò èwòka lì arza lì mò òhwirzɛnɛ rzìi

Matiyò 2:11

Nà òma hwa mà kpèeyà ò ndawò, hwa mà ɛnɛ mòŋgò ŋmɛ̀ɛ̀ŋgɛ̀ mò ŋmanà nà nyàŋgɛ Màlìyɛ̀. Hwa mà rzùma màwɔ̀ŋgɔ̀ŋgɔ̀ ò rze, rzi hwa ŋgba è ŋmanà èluhwe. Hwa mà wùrzìrzɛ̀ màhwèyà ema hwa mà jàneyà è ŋmanà. Manù màhwèyà ma mà hwɛ ndi Gòòlò, lìyɔ̀ki ema lì òhvi erzunju yà hvɛ̀ɛ̀hvɛ̀ɛ̀ ema lì hwɛ̀lɛ̀hwɛ̀ hvìlàŋgìrzɛ̀nì nà màyi.

Lukàrzɛ̀ 1:25

Rzìi à òhwa nanù ema, “Nàŋgɛ nanù, Rzàŋgò à nò gbèèlì gbàmù. A nò òkelì ììlì, a ulɛ̀ ìrzɔnì ja amì ò hwatò wa amì.”

Lukàrzɛ̀ 2:5

À mà ɛ̀ndɛ aŋga nà ehwàndà ya eni Màlìyɛ̀ ò lì tìlìrzɛ mìinà. Màlìyɛ̀ ema à ma rzììrzɛ̀.

Hibrù 10:5

Ɔ̀ndeŋgàtɛ̀ e hvonda ema Krirztò à mà jèe o rze, à mà ohweyà Lohwɛ̀ nanù ema, “Rzeketɛ màahweyà na jàhwèyà ndi o arza. Ndi o wa o no rzekelì ndi e nyo ya mòtò ema na hwɛni lì ŋgbà nàa jàhwèyà.

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.