Matiyò 1:16 - Mokpwe: Bakwery (New Testament)

¹⁶ Jèkɔ̀bù ndi à mà hwɛ è rzàŋgò yà ama Jòrzɛ̀hvù. Jòrzɛ̀hvù ndi à mà hwɛ mòjòmɛ̀ mò ama Màlìyɛ̀. Màlìyɛ̀ ndi à mà ŋya Yerzù. Yerzù a hwɛ̀lɛ̀hwɛ̀ Krìrztò.

Matiyò 1:16 Mawu Ofanana

Matiyò 1:15

Èlìyùdì ndi à mà hwɛ è rzàŋgò yà ama Èlìrza. Èlìrza hvɛ ndi à mà hwɛ è rzàŋgò yà ama Màtanì. Màtanì mɔ̀hvɛ ndi à mà hwɛ è rzàŋgò yà ama Jèkɔ̀bù.

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Matiyò 16:20

Yerzù rzìi a kànèyà Hwà-òkòwèlì hwa eni ama hwa rzi keka lì òhweyà tɔ̀ mòtò ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Matiyò 2:13

È hvònda hwaŋga hwàlaŋga rzòmbe hwa mà ɛ̀ndɛ, aŋga ndi è aŋgèlì yà ama Tatɛ̀ è mà wurzeyà Jòrzɛ̀hvù ò ndɔ̀tɔ̀ nanù ema, “Imòwa, ò wòwè è ŋmanà nà nyàŋgɛ è ɛndɛ̀ ò Ìjiptò. È hwɛ aŋga natɛ̀ɛ nà lìrzàkò ema nà è òhwèyà ema è anjiye aŋga, èhwanja Hɛ̀rɔ̀dì à hwɛni lì òma hwatò lì jà ò lì arza ò nò ŋmanà ò lì mò òŋwa.”

Matiyò 27:17

È hvònda è ŋgìndì è mà arzàŋganɛ Pìlatò rzìi à hwà ijòwa nanù ema, “Imà mɔ̀ rzɔ̀ ema è arzà nanù ema nà è rzòlòhweyà è? Bàlabàrzi ŋgà Yerzù ema à hwɛ̀lɛ̀hwɛ̀ è Mɔ̀ ema à Ɔ̀kirzɛ̀hwɛ̀yi è?”

Matiyò 27:22

Pìlatò rzìi à hwà ijòwa nanù emà, “Mamɛ nà gbeyànà rzɔ̀ Yerzù ema à hwɛ̀lɛ̀hwɛ̀ è Mɔ̀ ema à Ɔ̀kirzɛ̀hwɛ̀yi è?” Wɔ̀ hwà arzɛ hwa mà alàhwɛ̀ nanù ema, “Ò mò wòmeya ò mbarza.”

Makòrzì 6:3

Rzèke ònò mòtò à hwèlì ndi kaminda e? Rzeke e ŋmanà wà mà Màlìyɛ̀ ònò e? Rzeke wònyànyàŋgò hwa eni hwa hwèlì ndi Jèmìrzì, Jòrzɛ̀hvù, Jùdà na Rzìmɔ̀nì, e? Rzeke ì ndòmɛ ja eni ì hwèlì ò mbòwà na irzɔ e?” Rzìi hwa mò tatana.

Lukàrzɛ̀ 1:27

O lì ùŋma mɔ̀ɔ̀mbɔ̀ mò ŋmanà ŋgɔ̀ndɔ̀ mɔ̀kɔ ema mò ma hwɛ̀lɛ̀hwɛ̀ Màlìyɛ̀, ema à ma wàndàhwà nà mùnyanà mɔ̀kɔ Jòrzɛ̀hvù. Jòrzɛ̀hvù ema à ma uhwɛlɛlɛ ndi ò lìhwende la ama Kiŋgɛ Dàhwitì.

Lukàrzɛ̀ 2:48

Nà òmà rzàŋgɛ nà nyàŋgɛ hwa mà mò ɛ̀nɛ hwa mà jeja. Nyàŋgɛ rzìi a mò ijòwa nanù ema, “Ìi Ŋmanà, mamɛ ndeŋgàtɛ ò jò gbeyànì nanù e? Ɔ̀ŋgɔ tɛ! Rzɔ̀ŋgɛ nà ìmba jòò àrzi ije-ije jɔ̀ ɔtɔ̀wù.”

Lukàrzɛ̀ 2:7

Màlìyɛ̀ rzìi a ŋya è ŋmanà wà mùnyanà. Mɔ̀ ndì à ma mò lìhvòhwa ewònì. À mà mò lìŋgɛ̀lɛ̀ ndi nà hwèhvàhve hwe mààtù. Rzìi à mò nàŋgɛlɛ ò èwòki ema hwèembè hwe mà leeyà. À mà gbeyà ndi nanù èhwanja, ò rzi hwɛ èhvòlò ò ndawò yà hwàyɛ̀ni.

Lukàrzɛ̀ 3:23

Yerzù à mà hwɛ eyà ya rzayiyàyò yà meya ema a mà wòteyà èwòlò ya eni. Hwatò hwa mà mò ɛ̀nɛ ndi nàa è ŋmanà wà ama Jòrzɛ̀hvù. Jòrzɛ̀hvù à mà hwɛ ndì è ŋmanà wa ama Èlì.

Lukàrzɛ̀ 4:22

Hwa arzɛ hwa mà mò eka, ndèŋgà hwa mà tàmeya hweyà hwe gbamù ema hwe ma wurza ò wàna yà èni. Rzìi hwa à ijòwà nanù ema, “Rzèke è ŋmanà wà ama Jòrzɛ̀hvù ònò e?”

Yòwanìrzɛ̀ 4:25

Oŋgò mòlanà rzìi a òhwàna Yerzù nanù ema, “Nà hwi ema è mɔ̀ ema à Ɔ̀kirzɛ̀hwɛ̀yi a hwɛnì lì jà. Mɔ̀ a jelì tɛ, a jò telɛlɛ hweyà hwe arzɛ.”