Makòrzì 9:50 - Mokpwe: Bakwery (New Testament)

⁵⁰ Ikpa ì lɔ̀wu, ndi ì wɔ̀lɛ̀nɛ̀yi tɛ wòtɛ̀wu wò eni, nɛ i tanɛ̀yi lì tɛ̀yirzɛhwɛ hvɛ e? Inyɔ e tɛ̀ ndi na ikpa, è ahwɛnɛnɛ hvɛ ɛ̀yɔ̀lɛ̀ mɔ̀kɔ nà ɔnɛyi.”

Makòrzì 9:50 Mawu Ofanana

Matiyò 5:13

“È hwèlì wòlitò ò mòŋgɛ mà hwatò hwa ene rze ŋgànà hvɔ̀kɔ nà òmà ikpa hvɛ i hwɛni wòlitò ò mòlèlì. Ndi ikpa i wɔ̀lɛ̀nɛyi tɛ̀ wòtɛ̀wu wò eni, nɛ i tànɛyi lì tɛ̀yirzɛ hvɛ e? Jɔ̀ i rzà hwɛnɛ hvɛ tɔ̀ eyà yà gbamù ò lì gbèya. O èŋgànɛ̀lɛ̀ i hvimbahwa ɔ̀nɛyi rzi hwatò hwa ji laala.

Makòrzì 9:34

Hwa rzi mò alàhwɛ̀ èhwanja hwa mà hwɛ ndi ò hvenda yà njɛnɛ à hwèlì è mò ndɛnɛ ò ìtììtènì jà awu.

Makòrzì 9:49

“Mùùnya mò kpèeyà ò nyò ya ama tɔ̀ njɛnɛ, nà òmà ikpa ì kpèeyà ò mòlelì.

Ròmànì 12:18

È keke e gbèye nanù ema e hwɛ ò ɛ̀yɔ̀lɛ̀ na hwatò hwa arzɛ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Ɛ̀hvìrzìyà 4:29

È rzi ohwa mbɔrzi ja èèti o wàna ja anyu. È ohwe ndi hweyà ema hwe oŋgowàna hwatò ò lì oŋgà o lìlòkɛ̀ la awu. Aŋga nanù hwaŋga ema hwe e okànèyà na oma e ohwa hwà okoweya o johwi ja anyu.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

Kòlòrzìyà 4:6

Inyɔ nà wɔ̀ è tuwa tɛ mèndèŋgà, hwèyohwèlì hwe anyu hwe àŋgàmɛ̀nɛ̀yi lì lɔ̀wu nà lì tɛ̀ɛ̀. Inyɔ è gbeyà tɛ nanù, è hwiya nɛ è alàhwɛ̀ tɔ̀ ima mòtò ema à è ijo mììjòwèlì.

1 Tɛ̀rzàlonìyà 5:13

È hwa wòŋgohwàne na èluhwe ndɛnɛ ndèŋgànɛ̀lɛ̀ e hwa uŋmɛ̀lɛ̀ e ndìŋgɛ o nyòla èwòlò ema hwa e gbèeyà. È lìya na ɛ̀yɔ̀lɛ̀ mɔ̀kɔ na ɔ̀nɛyi.

2 Tìmotì 2:22

Ìi Tìmòtì, o rzi gbeyà hweyà hwe wòhwe ema imberza i gbeyà, ndi o keke ndi lì gbeyà mamɛ ema e hvomɛ̀nɛ̀, o inyàmɛnɛ lìlòkɛ̀ Krirztò o keke lì lìŋgàna hwahvɛhvɛ hwatò, o hwɛ hvɛ ndi o ɛ̀yɔ̀lɛ̀ na tɔ̀ ima mòtò. O nɔ̀ŋge hwene hweyà na hwahvɛhvɛ hwatò ema hwa kanɛ̀lɛ̀lɛ̀ Lohwɛ̀ na ŋmèma mɔ̀kɔ.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

Jèmìrzì 1:20

Hwetato hwe mòtò hwe mo gbeyà a rza gbeyà hweyà ema Lohwɛ̀ a arza nanù ema a gbeye.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.