Makòrzì 9:37 - Mokpwe: Bakwery (New Testament)

³⁷ “Tɔ̀ njɛnɛ ema à kàrzɛ̀yi ene nyayi ya ŋmanà ò lìnà la amì ò ma imba ndi à kàrzɛ̀yi ndèŋgana tɔ̀ njɛnɛ ema a nò kàrzɛ̀yi à rza nò kàrzɛ̀yi ndi ìmba mɛnɛ, a kàrzɛ̀yi hvɛ è mɔ̀ ema à nò òmì.”

Makòrzì 9:37 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Makòrzì 9:36

Yerzù rzìi a wòwa jùma ŋmanà, rzìi à mò tɛ̀mìrzɛ̀ ò ìtììtènì ja awu, à mò rzɛ̀hwɛ̀ rzìi a hwa òhweyà nanù ema,

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Lukàrzɛ̀ 9:48

Yerzù rzìi à hwa òhweyà nanù ema, “Tɔ̀ ima mòtò ema à kàrzɛ̀ jùma ŋmanà nàa ònò nanù, ò lìnà là amì, ò ma ìmba ndi à kàrzɛ̀yi! Tɔ̀ njɛnɛ hvɛ ema à nò kàrzɛ̀yi, òma à kàrzɛ̀yi ndi Lohwɛ̀ ema à nò òmi. O èŋgànɛ̀lɛ̀ rzɔ, tɔ̀ ima mɔ̀ ema à atìmbìrzɛ̀ nàa jùma ŋmanà ò ìtììtènì ja anyu, mɔ̀ ndì à hwɛ̀ɛ̀ è mòtìmbèlì.”

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 13:20

Nà è òhweyà ndi è jɔ̀kɛ̀, tɔ̀ njɛnɛ ema à emelì tɔ̀ ima mɔ̀ è mà na òmi, òma imba ndi à emelì. Ndèŋgànɛ̀lɛ̀ hvɛ e mɔ̀ ema a nò emelì, òma a emelì ndi e mɔ̀ ema à mà nò òma.”

Yòwanìrzɛ̀ 5:23

A gbeyà ndi ene eyà nanù ema hwatò hwa arzɛ hwa ŋgba è Ŋmanà wà eni èluhwe, nyayi hvɔ̀kɔ na òma hwa ŋgba Tatɛ̀ èluhwe. Tɔ̀ njɛnɛ ema a rza ŋgbelɛ è Ŋmanà wà eni èluhwe a rza ŋgbelì Tatɛ̀ ema a mò òmi èluhwe.”

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.