Makòrzì 9:33 - Mokpwe: Bakwery (New Testament)

³³ Yerzù nà hwà-òkòwèlì hwa eni hwa mà uke ò mbòwà ya Kàpɛ̀nàwɔ̀mì. Nà òmà hwa mà ùke rzi hwa kpèeyà ndawò hvɔ̀kɔ, Yerzù rzìi a hwa ijòwa nanù ema, “Mamɛ ndèŋgàtɛ̀ è hwɛ̀ɛyayi ò hvenda ò njìya e?”

Makòrzì 9:33 Mawu Ofanana

Matiyò 17:24

Ndi na òma Yerzù na Hwà-òkòwèlì hwa eni hwà mà ùke ò e mbòwa ya Kàpɛ̀nàwɔ̀mì, hwàrzàŋgèlì hwa è njàŋge yà è Ndawò yà Lohwà hwà mà jèeyà Pètrò rzi hwa mò ijòwa nanù ema, “È Mòòkòlèlì wà anyu mɔ̀ à rzàawà è njàŋge ò Ndawò yà Lohwà e?”

Makòrzì 2:8

O wòtɛmɛ̀tɛmɛ̀ Yerzù à mà hwiya ò ŋmèma mò eni ema nanù ndi hwanù hwatò hwa hwèlì lì lùteyà ò mèèmà me awu. Rzìi à hwa ijòwa nanù ema, “Mamɛ ndèŋgàtɛ̀ è lùteyà nanù e?

Makòrzì 3:19

nà Jùdàrzì Ìrzìkarìyɔ̀tɛ̀ ema à ma àhwirzɛ̀ Yerzù.

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.