Makòrzì 9:27 - Mokpwe: Bakwery (New Testament)

²⁷ Yerzù rzìi a mò lɛ̀mbɛ nà lìya la eni, a mò tɛmirzɛ, rzìi òŋgò ŋmanà a tɛ̀mɛ̀ ò ŋmanyu.

Makòrzì 9:27 Mawu Ofanana

Matiyò 9:25

O mburzà ya hvònda ema e ŋgìndì e ma hvàyàhwe ò èwòka, Yerzù à mà kpèeyà ò tenì ya e tu ema hwa ma nàŋgɛlɛ òŋgò ŋmanà. Nà òma a ma mò lɛ̀mbɛ lìya la eni, òŋgò ŋmanà ŋgɔ̀ndɔ̀ lìwòkìmɛnɛ rzìi a tɛ̀mɛ̀nɛ.

Makòrzì 1:31

Yerzù rziì à ɛ̀ndɛ ò mà òŋgò mòlanà, à mò lɛ̀mbɛ̀ lìya. À mò òŋgòwànà ò lì tɛ̀mɛ̀. Liŋgi lìyètì lì mà wɔ̀wɔ̀ rzìi òŋgò mòlanà à hwa kàrzɛ̀.

Makòrzì 1:41

Yerzù à mà òkeya òŋgò mòtò ììlì rzìi à enyòwa lìya là eni, à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!”

Makòrzì 5:41

À mà lɛ̀mbɛ lìya la ama òŋgò ŋmanà ŋgɔ̀ndɔ̀ rzìi a mò òhweyà nanù ema, “Talìta Kùmi.” (Ène ŋgàna e hweli ndì nanù ema, “Ŋmanà ŋgɔ̀ndɔ̀, na òhwèlì ema ò tɛ̀mɛ̀nɛ̀ ò ŋmanyu.”)

Makòrzì 8:23

Rzìi à lɛ̀mbɛ eŋge ndima ya mòtò ò lìya la eni rzìi a mò tìmba à mò anjiyana èŋge mbòwà rzàlì. À rzɔ̀yeya èŋge ndima hweyɔ̀lì ò mirzɔ̀, Yerzù rzìi a mò hwàkɛ màà mà eni ò nyò ya eni, rzìi a mò ijòwa nanù ema, “Ò ɛni yòma e?”

Makòrzì 9:26

Èŋgè èlìŋgɛ̀ e ma tɛɛ nà ŋginyà, e mò rzòkòmɛlɛ̀ nà ŋginyà rzìi e wurzà. Oŋgò ŋmanà a mà ɛnɛya ndi nàa èèmbè ò marzò mà hwatò. Lòŋgò la hwatò hwa mà òhwa nanù ema, “A ma ŋwa.”

Makòrzì 9:28

Yerzù a mà kpèeyà ò ndawò. Hwà-òkòwèlì hwa eni rzìi hwa mò ijòwa ò jututa nanù ema, “Mamɛ ndèŋgàtɛ̀ ì rza tàneyà lì hvayà èŋgè èlìŋgɛ̀ ya wòhwe e?”

Hwègbèèlì 23:19

Oŋgò mòkànèlì wa hwàanà njuma à mà lɛmbɛ èŋge mberza ò lìya rzìi a mò ɛ̀ndɛnɛ tòŋgòŋgò hvɔ̀kɔ rzìi a mò ijòwa nanù ema, “Mamɛ ò arza lì nò òhweyà e?”

Hwègbèèlì 3:7

Pètrò rzìi a mò lɛmbɛ ò lìiya la eni la mòme a mò òŋgòwànà ò lì tɛ̀mɛ̀. O ŋgelì hvɔ̀kɔ mɛnɛ, òŋgò mòtò meende na hwèkɛ̀ŋgɛ̀ hwe eni hwe màtàŋgà hwe ma wɔ̀wɔ̀ rzìi hwe enyòhwɛ̀nɛ̀.

Hwègbèèlì 9:41

Pètrò rzìi a òma lìiya la eni a mò òŋgòwànà ò lì tɛ̀mɛ̀nɛ. Aŋga ndi Pètrò a à hwɛlɛ hwàlòkèlì hwa arzɛ, na hwaŋga hwalana hwa mekurze, rzìi a hwa ŋgba òŋgò mòlanà Tàbità ema a hwèlì lòŋgɛ.