Makòrzì 9:25 - Mokpwe: Bakwery (New Testament)

²⁵ Ŋgindi ndɛnɛ è mà hwɛ lì hwaŋga ò lì jà lì arzàŋganɛ aŋga. Nà òmà Yerzù a mà ɛnɛ è ŋgìndì e hwaŋga lì jà ò èŋge èki, à mà lòmeya èŋge èlìŋgɛ̀ ya wòhwe nanù ema, “O wa èlìŋgɛ̀ ya hwètòòtò nà mbùke na ò kànèlì nanù ema ò mò wurze, ò rzìi mò kpèeyà hvɛ ò nyò.”

Makòrzì 9:25 Mawu Ofanana

Matiyò 12:22

O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa.

Matiyò 17:18

Yerzù rzìi a kànèyà eŋge èlìŋgɛ̀ ya wòhwe rzìi e wurza òŋgò ŋmanà wa munyanà, lìwòkimɛnɛ a wɔ̀wɔ̀.

Makòrzì 9:15

Nà òmà hwaŋga hwatò hwa arzɛ hwà mà ɛnɛ Yerzù, hwa mà tàmà rzayì-rzayì rzìi hwa hwaŋga lì ɛ̀ndɛ lì mò kɔmɔ̀.

Makòrzì 9:24

Lìwòkìmɛnɛ e rzàŋgò ya ama òŋgò ŋmanà wa mùnyanà e mà òhwa na lìlò lì kàrzàmi nanù ema, “Nà lòkɛ̀yì, ò nò òŋgòwane lìlòkɛ̀ la ami ema lì rza òndɛ.”

Makòrzì 9:26

Èŋgè èlìŋgɛ̀ e ma tɛɛ nà ŋginyà, e mò rzòkòmɛlɛ̀ nà ŋginyà rzìi e wurzà. Oŋgò ŋmanà a mà ɛnɛya ndi nàa èèmbè ò marzò mà hwatò. Lòŋgò la hwatò hwa mà òhwa nanù ema, “A ma ŋwa.”

Lukàrzɛ̀ 11:14

Wùnya wɔ̀kɔ, Yerzù à mà ulɛ̀ èlìŋgɛ̀ ya wòhwe ò nyò yà mòtò ema e mà tìmbìrzɛ̀ mbùke. È hvònda ema èŋge èlìŋgɛ̀ ya wòhwe e mà ànjiye òŋgò mòtò, rzìi a wòteyà lì òhwa. Ènè eyà e mà tàmìrzɛ̀ è ŋgìndì ya àrzɛ.

Lukàrzɛ̀ 4:35

Yerzù à mà kànèyà èŋge èlìŋgɛ̀ ya wòhwe nanù ema, “Andama! O mò wurze ò nyò.” Rzìi èŋge èlìŋgɛ̀ ya wòhwe e kpìrzɛ̀ òŋgò mòtò ò rze, ò ìtììtènì ja hwatò hwa arzɛ, rzìi e mò wurza ò nyò, e rzì hwɛ lì mò hwènirzɛ.

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Lukàrzɛ̀ 8:29

À mà eyaa nanù, èhwanja Yerzù à ma hwɛ a mà kànja hwèŋgè hwèlìŋgɛ̀ hwe wòhwe ò lì mò ànjiya ò nyò. Hvònda nà hvònda tɛ ema èlìŋgɛ̀ ya wòhwe e mà mò kpèeyà, tɔ̀ hwa mò kakanà ndi na ì ŋgɔ̀kɔ̀hwi ò màa na màtàŋgà, à kɛ iŋgi ŋgɔ̀kɔ̀hwì, rzìi èlìŋgɛ̀ ya wòhwe e mò tìmbà, e mò hvàwuùmìrzɛ̀ ò mòrzanjɛ̀.

Lukàrzɛ̀ 9:42

Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.

Hwègbèèlì 16:18

A ma gbeyà nanù ò tenì ya rzayì-rzayì ja mèenyà, natɛ̀ɛ e ma tàtìrzɛ̀ Pàwolò, rzi a mò ayeŋgòwɛ̀lɛ̀lɛ̀ a kanja èŋge èlìŋgɛ̀, a yò òhweyà nanù ema, “O lìna la ama Yerzù Krirztò na ò kànèlì ò mò anjiye ò nyò.” O lìŋgi lìrzakò mɛnɛ, èŋge èlìŋgɛ̀ ya wòhwe e ma mò anjiya ò nyò.

Judɛ 1:9

Ndi tɔ̀ Màyìkɛ̀lì è aŋgèlì ndɛnɛ à rzi hwɛnyɛ dɛhvùlì, è hvonda ema wɔ̀ nà mɔ̀ hwa mà hwɛ lì tɔ̀wɔ̀ ò lì hvomɛ̀nɛ̀ è mòtò ema à wòwà èèmbè ya ama Morzè. À mà mò ohweyà ndi nanù ema, “Rzàŋgo à ò kɔ̀kìrzɛ̀.”