Makòrzì 9:24 - Mokpwe: Bakwery (New Testament)

²⁴ Lìwòkìmɛnɛ e rzàŋgò ya ama òŋgò ŋmanà wa mùnyanà e mà òhwa na lìlò lì kàrzàmi nanù ema, “Nà lòkɛ̀yì, ò nò òŋgòwane lìlòkɛ̀ la ami ema lì rza òndɛ.”

Makòrzì 9:24 Mawu Ofanana

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Makòrzì 9:25

Ŋgindi ndɛnɛ è mà hwɛ lì hwaŋga ò lì jà lì arzàŋganɛ aŋga. Nà òmà Yerzù a mà ɛnɛ è ŋgìndì e hwaŋga lì jà ò èŋge èki, à mà lòmeya èŋge èlìŋgɛ̀ ya wòhwe nanù ema, “O wa èlìŋgɛ̀ ya hwètòòtò nà mbùke na ò kànèlì nanù ema ò mò wurze, ò rzìi mò kpèeyà hvɛ ò nyò.”

Lukàrzɛ̀ 17:5

I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Lukàrzɛ̀ 7:38

Òŋgò mòlanà à mà nòŋgama lì kòmbɛ̀nɛ̀ matàŋga mà ama Yerzù, rzìi à èya. Rzìi mììrzɔ̀lì mà eni mà à tìtìrzɛ̀ màtàŋgà mà ama Yerzù. Òŋgò mòlanà rzìi à tìtòwànà matàŋga mà ama Yerzù nà lìhvùmbu là eni là mòhvò. Òŋgò mòlanà rzìi a mà nyɔmbɔ matàŋgà ma amà Yerzù ò lì mò ŋgba èluhwe, rzìi a wòwa lìŋgi lìyɔ̀ki la hvɛ̀ɛ̀hvɛ̀ a mò nyàlɛ è lɔ ò màtàŋgà.

Lukàrzɛ̀ 7:44

À mà àyèŋgòwɛ̀lɛ̀lɛ̀ òŋgò mòlanà, rzìi a òhweyà Rzìmɔ̀nì nanù ema, “Rzeke ò ɛnɛ̀ ònò mòlanà e? Nà kpèelì ò ndawò ya aŋgɔ̀, ò rza nò ŋgbèlì tɔ̀ màlìhwa ò lì rzòrza màtàŋgà ma amì. Ndi ònò mòlanà mɔ̀, a rzòrzi matàŋgà ma ami, nà mììrzɔ̀lì ma eni. À mà ɛmbirzɛnɛ hvɛ nà lìhvùmbu la eni.

Hwègbèèlì 10:19

Pètrò mɔ̀ à mà hwɛ ò lì kèka ò lì rzɔ̀ŋgìtɛ̀nɛ̀ mamɛ iŋgi jɛ̀nɛ̀nì ì hwèlì, ɔ̀ndi Èlìŋgɛ̀ yà wòtani è à mò òhweyà nanù ema, “Rzimɔ̀ni, ò hwèlì hwatò hwàyàwò anu ema hwa ò arza.

Hwègbèèlì 10:31

òŋgò mòtò rzìi à òhwa nanù ema, ‘Kɔ̀nɛlìyùrzì, Lohwɛ̀ à mà hweyà lì kanɛ̀ là aŋgɔ̀. Ndeŋgànɛ̀lɛ̀ à mà ɔ̀ŋgɛ̀lɛ̀ hwèwòlò hwe aŋgɔ̀ hwe lì òŋgòwàna la mèlìrza me hwatò.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Hvìlipìyà 1:29

Lohwɛ̀ a gbeyànì ŋmèma mo eni mo gbamù nanù ema inyɔ e gbèeyà Krirztò, rzeketɛ o lì lòkɛ̀ Krirztò mɛnɛ, ndi o lì tàkirzɛhwɛ o nyòla ama Krirztò.

2 Tɛ̀rzàlonìyà 1:11

Nà oma hwene hweyà hwe arzɛ hwe jò hwèlì ò tenì yà mèèmà mè arzu, ɔ̀ndeŋgàtɛ̀ jè è kànɛlɛlɛ. Ì kanɛ̀ nanù ema, Lòohwà là arzu à è gbèeyà nanù ema è ò tànɛ ò lì lùwa hwèèmà hwe gbamù ema mɔ̀ à arza lì è gbèeyà nà oma mɔ̀ à mà è hvɔ̀rzɛ̀ ò lì hwɛ hwatò hwa eni. Ndèŋgànɛlɛ i kànɛ hvɛ nanù ema, à gbeyàne è ŋginyà yà eni ò lì gbeyà hweyà hwe arzɛ hwe gbamù ema inyɔ è arza, è ò hwe lùwa, ehwànja è lòkɛ̀ Krirztò.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

2 Tìmotì 1:4

Nà ɔ̀ŋgɛ̀lɛ̀yi tɛ nà oma ò mà hwɛ rzɔ̀lùù nà lì eyà, nà hwɛni nyɔ̀ŋgi rzayi-rzayi ò lì ò ɛnɛ, aŋga nanù nà oka mɔ̀nyɛ̀ŋgì rzayi-rzayi.

Hibrù 12:17

È hwi nanù ema, Èrzàwù à mà arza nanù ema rzaŋgɛ a mo nàmìrzɛ̀, ndi rzaŋgɛ a rzi imanɛlɛ o lì mo nàmìrzɛ̀. Li atiyɛ la eni lì ma tɔ̀ɔlɛ̀ o lì tikowa mamɛ e ma loma lì gbeyàhwa, tɔ̀ nɛ mɔ̀ à mà rzòrzòmèyà nà mirzɔ̀lì.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.