Makòrzì 9:20 - Mokpwe: Bakwery (New Testament)

²⁰ Hwa mà jàneya Yerzù òŋgò ŋmanà. Nà òmà èŋge èlìŋgɛ̀ ya wòhwe e mà ɛnɛ Yerzù, rzìi e lɛ̀mbɛ òŋgò ŋmanà e mò hvimba ò rze, e wòteya lì mò iŋgòlɛ e rze ya arzɛ rzìi e hvulu e wòteya lì mò wurza ò wàna.

Makòrzì 9:20 Mawu Ofanana

Makòrzì 1:26

Èŋge èlìŋgɛ̀ yà wòhwe è rzòkòmɛ̀lɛ̀ òŋgò mòtò nà ŋginyà è tɛɛ rzìi è ànjiya ò nyò yà eni.

Makòrzì 9:18

Èŋge èlìŋgɛ̀ è mò hvɔ̀ɔ̀tì tɛ, e mò hvimbà ò rze, rzì ìhvùlù ì mò wurzà ò wàna yà èni. À rziyà marzòŋga mà eni rzìi à embàmà. Ndi nà òhwèlì hwà-òkòwèlì hwa aŋgɔ̀ nanù ema hwa hvayè ene èlìŋgɛ̀, ndi è hwa àyìimbɛ̀nɛ̀yi.”

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Makòrzì 9:21

Yerzù rzìi a ijòwa òŋgò ŋmanà wà mùnyanà rzàŋgò wà èni nanù ema, “Ima hvòkà yà hvònda ema mɔ̀ à mà take nanù e?” Rzìi à mò alàhwɛ̀ nanù ema, “Lìwòteyà a mà hwɛ jùma ŋmanà.

Makòrzì 9:26

Èŋgè èlìŋgɛ̀ e ma tɛɛ nà ŋginyà, e mò rzòkòmɛlɛ̀ nà ŋginyà rzìi e wurzà. Oŋgò ŋmanà a mà ɛnɛya ndi nàa èèmbè ò marzò mà hwatò. Lòŋgò la hwatò hwa mà òhwa nanù ema, “A ma ŋwa.”

Lukàrzɛ̀ 4:35

Yerzù à mà kànèyà èŋge èlìŋgɛ̀ ya wòhwe nanù ema, “Andama! O mò wurze ò nyò.” Rzìi èŋge èlìŋgɛ̀ ya wòhwe e kpìrzɛ̀ òŋgò mòtò ò rze, ò ìtììtènì ja hwatò hwa arzɛ, rzìi e mò wurza ò nyò, e rzì hwɛ lì mò hwènirzɛ.

Lukàrzɛ̀ 8:29

À mà eyaa nanù, èhwanja Yerzù à ma hwɛ a mà kànja hwèŋgè hwèlìŋgɛ̀ hwe wòhwe ò lì mò ànjiya ò nyò. Hvònda nà hvònda tɛ ema èlìŋgɛ̀ ya wòhwe e mà mò kpèeyà, tɔ̀ hwa mò kakanà ndi na ì ŋgɔ̀kɔ̀hwi ò màa na màtàŋgà, à kɛ iŋgi ŋgɔ̀kɔ̀hwì, rzìi èlìŋgɛ̀ ya wòhwe e mò tìmbà, e mò hvàwuùmìrzɛ̀ ò mòrzanjɛ̀.

Lukàrzɛ̀ 9:39

Èlìŋgɛ̀ ya wòhwe e yɔki lì mò tàkirzɛ. È mò lɛ̀mbi tɛ, a tɛɛ, a kpa ò rze, e mò nyìŋgìrzɛ̀nɛ̀ natɛ̀ɛ ì njɔ̀ŋgɔ̀ ì mò wurzà ò wàna. È rza mò hwɛmɛ natɛ̀ɛ à kùwà lì hwèna.

Lukàrzɛ̀ 9:42

Nà òmà òŋgò ŋmanà a mà hwɛ lì ɛ̀ndɛ ò lì ùŋma Yerzù, rzìi èŋge èlìŋgɛ̀ ya wòhwe e wòteya lì mò tàkirzɛ rzìi e mò kpirzɛ̀, rzì a hvòkòwa. Yerzù rzìi a lòmeya èŋge èlìŋgɛ̀ ya wòhwe, rzìi à wɔ̀wìrzɛ̀ òŋgò ŋmanà, rzìi a mò tìmbirzɛlɛlɛ è rzàŋgò yà èni.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.