Makòrzì 9:18 - Mokpwe: Bakwery (New Testament)

¹⁸ Èŋge èlìŋgɛ̀ è mò hvɔ̀ɔ̀tì tɛ, e mò hvimbà ò rze, rzì ìhvùlù ì mò wurzà ò wàna yà èni. À rziyà marzòŋga mà eni rzìi à embàmà. Ndi nà òhwèlì hwà-òkòwèlì hwa aŋgɔ̀ nanù ema hwa hvayè ene èlìŋgɛ̀, ndi è hwa àyìimbɛ̀nɛ̀yi.”

Makòrzì 9:18 Mawu Ofanana

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Matiyò 17:16

Nà mà mò jàneyà Hwà-òkòwèlì hwa aŋgɔ̀ ndi hwa rzìi tanɛ lì mò wɔ̀wìrzɛ̀.”

Matiyò 8:12

Ndi hwaŋga ema hwa kànɛ̀yi lì hwɛ i wònjà ò lìkànèyà là ama Lohwɛ̀ hwa ò aŋgbahwa ò èwòka ò tenì ya jìtìtì. Aŋga rzɔ ndi wɔ̀ hwa ò kɔ̀kɔ̀ mehvehve me awu, na lì ahvahvɛ.”

Makòrzì 11:23

Nà è òhweyà è jɔ̀kɛ̀ nanù ema, tɔ̀ ima mɔ̀ ema a òhwanì enè hvàko nanù ema, ‘Tɛmɛ ò ɛ̀ndɛ ò ahvimbɛ ò ŋmanjà,’ rzìi a rza òhve hwètamirzelì ò ŋmèma mò eni ndì à lòkɛ̀ nanù ema mamɛ ema à òhwi è gbèyɛ̀nɛ̀, è mò gbèyɛ̀nɛ̀.

Makòrzì 9:17

Mòtò mɔ̀kɔ wà èŋge ŋgìndì rzì à alàhwɛ̀ nanù ema, “Ìi Mòòkòlèlì kòkò nà ò jànèlì e ŋmanà wà ami wà mùnyanà ema a òhvi èlìŋgɛ̀ yà wòhwe ò nyò yà eni, ema e mò gbeyà ema à rza òhwa.

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Makòrzì 9:20

Hwa mà jàneya Yerzù òŋgò ŋmanà. Nà òmà èŋge èlìŋgɛ̀ ya wòhwe e mà ɛnɛ Yerzù, rzìi e lɛ̀mbɛ òŋgò ŋmanà e mò hvimba ò rze, e wòteya lì mò iŋgòlɛ e rze ya arzɛ rzìi e hvulu e wòteya lì mò wurza ò wàna.

Makòrzì 9:26

Èŋgè èlìŋgɛ̀ e ma tɛɛ nà ŋginyà, e mò rzòkòmɛlɛ̀ nà ŋginyà rzìi e wurzà. Oŋgò ŋmanà a mà ɛnɛya ndi nàa èèmbè ò marzò mà hwatò. Lòŋgò la hwatò hwa mà òhwa nanù ema, “A ma ŋwa.”

Hwègbèèlì 7:54

Nà òma wòlìya wò mbòwa hwà mà òkànèyà hweyà ema Rzìtehvànɛ à mà hwɛ lì òhwa, wɔ̀ hwà mà òhva hwetatò rzayi-rzayi rzìi hwa a kɔ̀kɔ̀ mehvehve me awu.

Judɛ 1:13

Hwanu hwatò hwa gbèyi ndi nàa hwèehwè hwe ndɛnɛ ema hwe hvemàa ò ŋmànja. Nà oma hwe hvema, hwe oma è mbindo ò mokòkò mò ŋmànja. Nànù ndi ɛ̀ɛ̀mɛ̀ ya awu ya wòhwe è wurza. Hwa gbèyi ndi nàa mbɛtɛtu ema jà amàmìyɛ̀nɛ̀ èki yà arzɛ. Jììtìti ema i rzɔ̀ɔŋgɔ̀wu ɔndi Lohwɛ̀ à mà hwa uteya ndèŋgànɛlɛ jò ò hwɛ̀ɛ natɛ̀ɛ nà ò gbìndèyà.