Makòrzì 9:17 - Mokpwe: Bakwery (New Testament)

¹⁷ Mòtò mɔ̀kɔ wà èŋge ŋgìndì rzì à alàhwɛ̀ nanù ema, “Ìi Mòòkòlèlì kòkò nà ò jànèlì e ŋmanà wà ami wà mùnyanà ema a òhvi èlìŋgɛ̀ yà wòhwe ò nyò yà eni, ema e mò gbeyà ema à rza òhwa.

Makòrzì 9:17 Mawu Ofanana

Matiyò 12:22

O mburza nanù rzìi lòŋgò la hwatò hwa jàneyà Yerzù mòtò mɔ̀kɔ ema à mà hwɛ ndima na mbuke, èhwanja èlìŋgɛ̀ ya wòhwe e ma hwɛ ò tenì ya e nyò ya eni. Yerzù à mà wɔ̀wìrzɛ̀ òŋgò mòtò natɛ̀ɛ à mà wòteyà lì ɛnɛ na lì òhwa.

Matiyò 17:15

“Ìi Rzàŋgò òkeya e ŋmanà wà ami wà mùnyanà ììlì! À hvòkòwa, à tàka rzayì-rzayì, à yɔ̀ki hvɛ lì kpa ò tenì yà mùnya nà malìhwa.

Matiyò 9:32

Hwaŋga hwatò hwahwàkɛ ema Yerzù à mà wɔ̀wìrzɛ̀hwɛ̀ rzìi hwa anjiya aŋga òma. Nà òma hwa mà anjiye, hwatò hwa ma jàneyà Yerzù mòtò mɔ̀kɔ ema à mà hwɛ mbuke èhwanja èlìŋgɛ̀ ya wòhwe e ma mò hwɛ ò tenì.

Makòrzì 10:13

Hwatò hwa mà hwɛ lì jànà hwàanà ò ma Yerzù nanù ema a hwa hwàkɛ lìya la eni rzìi a hwa nàmìrzɛ̀. Ndi hwà-òkòwèlì hwa eni hwà mà lòmeya hwaŋga hwatò.

Makòrzì 5:23

A mò atɛkɛ nà ŋginyà nanù ema, “È ŋmanà ŋgɔ̀ndɔ̀ wa ami à hwèlì ndi ò mòhvèhvè mò kpelì, rzònì jà ò mò hwàkɛ màà mà aŋgɔ̀ a wɔ̀we, a hwɛ lòŋgɛ.”

Makòrzì 7:26

Ònò mòlanà à mà uhwɛlɛlɛ ndi ò èkòmè ya Glìki, à mà ŋyahwɛlɛ ndi ò erzòòkà ya Rzilìyà, ema e ma hwɛ̀lɛ̀hwɛ̀ Hvɔ̀nìrzìyà. A rzòrzòmeya Yerzù nanù ema a wɔ̀wìrzɛ̀ e ŋmanà wa eni, ò èŋge èlìŋgɛ̀ ya wòhwe.

Makòrzì 9:16

Yerzù rzìi a ijòwa hwà-òkòwèlì hwa eni nanù ema, “Mamɛ e hwèlì lìtìŋga la anyu la hvèndà e?”

Makòrzì 9:18

Èŋge èlìŋgɛ̀ è mò hvɔ̀ɔ̀tì tɛ, e mò hvimbà ò rze, rzì ìhvùlù ì mò wurzà ò wàna yà èni. À rziyà marzòŋga mà eni rzìi à embàmà. Ndi nà òhwèlì hwà-òkòwèlì hwa aŋgɔ̀ nanù ema hwa hvayè ene èlìŋgɛ̀, ndi è hwa àyìimbɛ̀nɛ̀yi.”

Makòrzì 9:25

Ŋgindi ndɛnɛ è mà hwɛ lì hwaŋga ò lì jà lì arzàŋganɛ aŋga. Nà òmà Yerzù a mà ɛnɛ è ŋgìndì e hwaŋga lì jà ò èŋge èki, à mà lòmeya èŋge èlìŋgɛ̀ ya wòhwe nanù ema, “O wa èlìŋgɛ̀ ya hwètòòtò nà mbùke na ò kànèlì nanù ema ò mò wurze, ò rzìi mò kpèeyà hvɛ ò nyò.”

Lukàrzɛ̀ 11:14

Wùnya wɔ̀kɔ, Yerzù à mà ulɛ̀ èlìŋgɛ̀ ya wòhwe ò nyò yà mòtò ema e mà tìmbìrzɛ̀ mbùke. È hvònda ema èŋge èlìŋgɛ̀ ya wòhwe e mà ànjiye òŋgò mòtò, rzìi a wòteyà lì òhwa. Ènè eyà e mà tàmìrzɛ̀ è ŋgìndì ya àrzɛ.

Lukàrzɛ̀ 9:38

Rzìi mùnyanà mɔ̀kɔ ò tenì yà èŋge ŋgìndì à tɛ̀ɛ̀ nanù ema, “Ìi Mòòkòlèlì kòkò nà ò rzòrzòmelì, wà ɔ̀ŋgɔ tɛ è mbèrzà yà amì. Èhvòwà yà ami yà ŋmanà enè ema nà hwɛnì.

Yòwanìrzɛ̀ 4:47

Nà òma ònò mòtò à mà hwèye ema Yerzù à mà anjiya ò erzòòkà yà Jùdeyà, ema à mà uka ò erzòòkà yà Galìlì, à mà mò ɛndèya, à mò rzòrzòmeyà ema à ɛndɛ nà mɔ̀ à wɔ̀wìrzɛ̀ è ŋmanà wà eni, ema à mà kòmbɛ̀nɛ̀ è kpelì.