Makòrzì 9:10 - Mokpwe: Bakwery (New Testament)

¹⁰ Hwàŋga hwà-òkòwèlì hwa mà ika hwèŋge hweyà ò mèèmà me awu, hwà mà wòteya lì àyijòwànɛ̀ mɔ̀kɔ nà ɔnɛyi nanù ema, “Mamɛ hwenè Hwèhvùmùwèlì hwe hwèlì e?”

Makòrzì 9:10 Mawu Ofanana

Matiyò 16:22

Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja nanù ema, “Ìi Rzàŋgò Lohwà a rza tànɛyi lì emeyà ema e ò gbèyɛ̀nɛ!”

Makòrzì 9:11

Rzìi hwa ijòwa Yerzù nanù ema, “Mamɛ ndèŋgàtɛ̀ hwà-òkòlèlì hwa mbenda hwa òhwa nanù ema Èlàyijà à hwɛnì lì jà hvɔ̀ni, ndèŋgàna è Mɔ̀ ema à Ɔ̀kirzɛ̀hwɛ̀yi e?”

Makòrzì 9:32

Ndi Hwà-òkòwèlì hwa eni hwa rzìi rzɔ̀ŋgìtɛ̀nɛ̀ mamɛ èma a mà òhwe rzìi hwa òka wɔ̀ɔŋgɔ̀ ò lì mò ijòwà.

Makòrzì 9:9

Nà òmà hwa mà hwɛ lì rzìhwa ò èŋge hvàko, Yerzù rzìi a hwa kànèyà nɔkè-nɔkè, nanù ema, “È rzi kèka lì òhweyà tɔ̀ mòtò mamɛ̀ ema è ɛni natɛ̀ɛ nà è hvònda ema è Ŋmanà wà è Mòtò wà Hwènàmà à ò hvùmùwɛ̀.”

Yòwanìrzɛ̀ 12:16

Nà òma hwene hweyà hwe mà gbèyɛ̀nɛ̀, hwà-òkòwèlì hwa eni hwa rzi hwe rzɔ̀ŋgìtɛ̀nɛ̀. Ndi nà òma Yerzù à mà hvùmùwè nà èluhwe yà ama Lohwà, rzìi hwa ɔ̀ŋgɛ̀lɛ̀ nanù ema hweyà ema hwe mà gbèyɛ̀nɛ̀ lì hvòmɛ̀nɛ̀ Yerzù, hwe mà lòma lì tìlahwa.

Hwègbèèlì 17:18

Hwàtò ema hwà mà hwɛ ò ehvehva ema e ma hwɛ̀lɛ̀hwɛ̀ Èpìkòlìyànì na Rzìtɔ̀yìkì, wɔ hvɛ hwà mà wòteyà ò lì taa e hvenda na mɔ̀. Lòŋgò la awu hwà mà ijòwa nanù ema, “Mamɛ hvɛ ene ema tɔ̀ ònò hvɛ ema a rza òkòwɛ a arza ò lì òhwa e?” Hwahvɛhvɛ hwatò hwà mà òhwa nanù ema, “È gbèyi ndi nàa ò a ɛnɛ ema mɔ̀ à òhwa ndi ò lì hvòmɛ̀nɛ̀ mahvɛhvɛ mòhwà ma hwàyɛ̀nì.” Wɔ̀ hwà mà òhwa ndi nanù èhwanja Pàwolò à mà hwɛ lì òhwa lì hvòmɛ̀nɛ̀ ŋmɛ̀ndì mò gbamù mò ama Yerzù na hwèhvùmùwèlì.