Makòrzì 8:6 - Mokpwe: Bakwery (New Testament)

⁶ À òhweyà è ŋgìndì nanù ema, hwa lìya ò rze a wòwa lìŋgi lìrzàmbà la hwèhvòòtò, rzìi a ŋgba Lohwɛ̀ jeka. A hwe kɛrzɛ, rzìi a ŋgba hwà-òkòwèlì hwa eni ò lì kahweyà hwatò, rzìi hwa gbeyà nanù.

Makòrzì 8:6 Mawu Ofanana

Matiyò 26:26

Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e lèè e nyò ya ami ene.”

Makòrzì 8:20

Rzìi à hwi ijòwa hvɛ nanù ema, è hvònda ema, “Nà ma kahweyà hwekòlì hweni hwe hwatò lìrzàmbà la hwèhvòòtò, ŋgata itì ja mbùmbu ja hwehvetɛlɛ ja hwèhvòòtò ema e ma rzàŋge e?” Rzìi hwa mò alàhwɛ̀ nanù ema, “Lìrzàmbà la ŋgata.”

Makòrzì 8:5

Yerzù rzìi a ijòwa nanù ema, “Hwehvòòtò hweti inyɔ e òhvi e?” Hwà-òkòwèlì hwa eni rzìi hwa mò alàhwɛ̀ nanù ema, “Lìrzàmbà la hwèhvòòtò.”

Makòrzì 8:7

Hwà mà òhva ŋgurzu ja nyàmà rzàlì ja malìhwa. Yerzù a ŋgba hvɛ Lohwɛ̀ jeka ò iŋgi nyàmà, rzìi a òhweyà hwà-òkòwèlì hwa eni ama hwa kahweyà èŋge ŋgìndì.

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Lukàrzɛ̀ 24:30

Nà òmà hwa mà lìya ò lì làa, à mà wòwa èhvòòtò, rzìi à è nàmìrzɛ̀, à mà kanda èhvòòtò, rzìi a hwa ŋgbà e yɔ.

Yòwanìrzɛ̀ 2:5

Yerzù nyàŋgɛ rzìi a òhweyà hwàgbèèlì hwa eŋge ndèma nanù ema, “È gbeye tɔ̀ mamɛ ema a e òhweyà ò lì gbeyà.”

Yòwanìrzɛ̀ 6:23

Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.

Ròmànì 14:6

Hwàŋga hwatò ema hwa lùtèyà nanù ema eyu yɔ̀kɔ e hwɛni wòlìtò lì aka hwehvɛhvɛ hweyu, hwa gbeyà ndi nanù ò lì ŋgbà e Rzàŋgò èluhwe. Hwàŋga ema hwa laa tɔ̀ mamɛ wɔ̀ hvɛ hwa gbeyà ndi nanù ò lì ŋgba e Rzàŋgò èluhwe èhwanja hwa ŋgba Lohwɛ̀ jeka lì hvòmɛ̀nɛ̀ mòŋgò mòlelì. Hwàŋga hwatò ema hwa kiya ò lì laa lòŋgò la hwema, hwa gbeyà ndi nanù ò lì ŋgba e Rzàŋgò èluhwe ndèŋgàna hwa ŋgba Lohwɛ̀ jeka.

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.