Makòrzì 8:32 - Mokpwe: Bakwery (New Testament)

³² Yerzù à mà hwa òhweyà hwenè hweyà tòlòlò. Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja.

Makòrzì 8:32 Mawu Ofanana

Matiyò 16:22

Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja nanù ema, “Ìi Rzàŋgò Lohwà a rza tànɛyi lì emeyà ema e ò gbèyɛ̀nɛ!”

Makòrzì 4:38

Yerzù à mà hwɛ ò tenì yà wɔ̀lɔ̀ ò mburzà. À mà naŋga rzìi a ika mòòhvò mò eni ò mòmbòŋga. Hwa mà mò imòlɛ rzi hwa mò òhweyà nanù ema, “Ìi Mòòkòlèlì ò rza jò àŋgòhweyà na òma ì hwèlì ndi ò kpelì e?”

Lukàrzɛ̀ 10:40

Màta à mà arzarzòwɛ èhwanja mɔ̀ ŋmìti ndi à mà hwɛ lì gbeyà èwòlò ya ndawò. Màta rzìi a ɛ̀ndɛ lì ùŋmanɛlɛ Yerzù, rzi a mò òhweyà nanù ema, “Ìi Rzàŋgò, ɔ̀ŋgɔ tɛ nà òmà ŋmanyàŋgò wà amì à nò kìnyɛlɛlɛ èwòlò ya ndawò ya àrzɛ̀? O mò òhweyà ema a jè a nò òŋgòwane.”

Yòwanìrzɛ̀ 10:24

Hwatò hwa Yudà hwà mà mò tòŋga rzi hwa mò ijòwa, nanù ema, “Ima hvònda ò hwɛni ò lì jò tàmìrzɛ̀ e? È hwèlì tɛ ema ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, ò jò òhweyà tòlòlò.”

Yòwanìrzɛ̀ 11:14

Àŋga ndi à hwa òhweyà gbèegbèe nanù ema, “Làrzàrɔ̀rzì à mà ŋwa.

Yòwanìrzɛ̀ 16:25

Yerzù rzìi à òhweyà hwà-òkòwèlì hwa eni hvɛ nanù ema, “Tɔ̀ nɛ nàŋgɛ nà è òhwàna ndi nà è mbɔrzi yà meyànà, è hvònda è hwèlì è jà ema nà rza è òhwìrzɛ̀nɛ̀ hvɛ ò ene tumba yà mbɔrzi, ndi nà è òhweyà ndi nà è mbɔrzi yà rzɛŋgɛ-rzɛŋgɛ lì hvòmɛ̀nɛ̀ Tatɛ̀ wà ami è ŋgàna ema è hweni lì rzɔ̀ŋgìtɛ̀nɛ̀.

Yòwanìrzɛ̀ 16:29

Hwà-òkòwèlì hwa eni rzìi hwa òhwa nanù ema, “Nàŋgɛ nanù ò òhwa rzɛŋgɛ-rzɛŋgɛ ò rza òhwàna meyàna.

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.