Makòrzì 8:29 - Mokpwe: Bakwery (New Testament)

²⁹ Yerzù rzìi a hwa ijòwa hvɛ nanù ema, “Njɛnɛ inyɔ hwìti e òhwa nanù ema na hwèlì e?” Pètrò rzìi a alàhwɛ̀ Yerzù nanù ema, “O wa ndi ò hwèlì e Mɔ̀ ema à Ɔ̀kirzɛ̀hwɛ̀yi.”

Makòrzì 8:29 Mawu Ofanana

Makòrzì 4:11

À mà hwa òhweyà nanù ema, “Lohwɛ̀ à è ŋgbèlì è wònjà ò lì hwiyà è wùndɛ̀ yà Lìkànèyà la ama Lohwɛ̀. Ndi ò hwanɛ̀yi hwatò Lohwɛ̀ à hwa gbèyi ò lì hwiyà hwenè hweyà ò meyànà mɛ̀nɛ̀.

Lukàrzɛ̀ 9:20

Yerzù rzìi a hwa ijòwa hvɛ nanù ema, “Njɛnɛ inyɔ hwìti e òhwa nanù ema na hwèlì e?” Pètrò rzìi a alàhwɛ̀ Yerzù nanù ema, “O hwèlì ndi è Mɔ̀ ema à Ɔ̀kirzɛ̀hwɛ̀yi wà ama Lohwɛ̀.”

Yòwanìrzɛ̀ 11:27

Mata rzìi a mò alàhwɛ̀ nanù ema, “Ɛ̀ɛ na lòkɛ̀ i hvònda ja arzɛ nanù ema ò wa ndi ò hwèlì è Ŋmanà wà ama Lohwà a Ɔ̀kirzɛ̀hwɛ̀yi e mɔ̀ ema Lohwɛ̀ a òhwi nanù ema a hwɛni lì jà ò rze.”

Yòwanìrzɛ̀ 4:42

Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”

Yòwanìrzɛ̀ 6:68

Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.

Yòwanìrzɛ̀ 6:69

Irzɔ i lòkɛ̀yì ndèŋgàna i hwi nanù ema ò wa ndi ò hwèlì e Mɔ̀ wa Wòtani ema a uwɛ̀lɛ̀lɛ̀yi ò ma Lohwɛ̀.”

Hwègbèèlì 8:36

Nà òma hwà mà hwɛ lì ɛndɛ, rzìi hwa uka èki ema e ma hwɛ malìhwa, rzìi eŋge yumɛ e òhwa nanù ema, “Ɔŋgɔ̀ malìhwà mà anu, ò rza nò lùhwìrzɛ̀ ŋgelì hvɔ̀kɔ e?”

Hwègbèèlì 9:20

O lìwòkimɛnɛ a wòteyà lì òhwa eyà ya Lohwà ò tenì ya i ndawò ja màkanɛ̀ nanù ema, Yerzù ndi à hwèlì è Ŋmanà wà ama Lohwɛ̀.

1 Pètrò 2:7

Lìni lìŋyàyi lì e hwɛnelì wòlìto inyɔ ema e mo lòkɛ̀yi, ndi hwatò ema hwa rza mo lòkɛ̀ lì gbèyi ndi nàa, “Lìnyàŋyi ema hwà-òŋgèlì hwà mà rzɔnjɛ̀lɛ̀, lì ɔndi lì ma jɛ̀ɛ̀ lìŋyàyi la wòlìto wo ndɛnɛ.”

1 Yòwanìrzɛ̀ 4:15

Tɔ̀ njɛnɛ ema à ohwi nanù ema Yerzù ndi à hwèlì è Ŋmanà wà ama Lohwɛ̀, Lohwɛ̀ à hwèlì nà mɔ̀ ndèŋgàna mɔ̀ hvɛ à hwèlì nà Lohwɛ̀.

1 Yòwanìrzɛ̀ 5:1

Tɔ̀ ima mòtò ema à lòkɛ̀ nanù ema Yerzù mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi à hwèlì ndi nàa è ŋmanà wà ama Lohwɛ̀, ndèŋgàna tɔ̀ njɛnɛ ema à lìŋgàni Tatɛ̀ nanù oma à lìŋgàni hvɛ è Ŋmanà wà eni.