Makòrzì 8:25 - Mokpwe: Bakwery (New Testament)

²⁵ Yerzù rzìi a hwàkɛ màà mà eni ò mirzɔ̀ ma ama òŋgò mòtò hvɛ̀. Òŋgò mòtò à mà wòwa hvònda ò lì ɔŋgɔ̀, rzìi mìirzɔ̀ ma eni ma lìhvòhweyà, a wòteya lì ɛnɛ.

Makòrzì 8:25 Mawu Ofanana

Matiyò 13:12

È mɔ̀ ema a òhvi lì rzɔ̀ŋgìtɛ̀nɛ̀ ò e wùndɛ̀ ya Lìkànèyà là ama Lohwɛ̀, Lohwɛ̀ à mò ŋgbà lì rzɔ̀ŋgìtɛ̀nɛ̀ lì kòki. Ndi è mɔ̀ ema a rza òhvɛ, Lohwɛ̀ à mò wòwànà tɔ̀ è ŋmanà lì rzɔ̀ŋgìtɛ̀nɛ̀ ema a òhvì.

Makòrzì 8:24

Oŋgò mòtò wa ndima à ɔŋgɔ̀ ò ŋmanyu rzìi à òhwa nanù ema, “Nà ɛnɛ hwatò, hwa ɛnɛya ndi nàa màyì ema mà ɛ̀ndɛ.”

Makòrzì 8:26

Yerzù rzìi a mò timbirzɛ ò ndawò ya eni rzìi a mò òhweyà nanù ema, “Ò rzi keka lì timbeya ò èŋge mbòwà.”

Hwègbèèlì 1:10

Hwà-òkòwèlì hwa mà lìmeyà ò lì mò ɔŋgɔ̀ nà òma à mà agba ò ŋmanyu, lìwòkimɛnɛ wunyanà hwahwàkɛ ema hwa mà wɔtɔ̀ mbɔ̀mi hwa hwà wurzeya, rzìi hwa hwà tɛ̀meyà ò tòŋgòŋgò yà awu.

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

Hvìlipìyà 1:6

Nà lòkɛ̀yi nanù ema Lohwɛ̀ ema à mà wòteyà ò lì gbeyà hwene hwèwòlò hwe gbamù ò ìtììtènì ja anyu, à hwɛ ndi ò lì hwe gbeyà natɛ̀ɛ à hwe kulɛ̀ Wùùnyà ema Yerzù Krirztò à ò tìmbɛ̀ ò lì jà.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.