Makòrzì 8:21 - Mokpwe: Bakwery (New Testament)

²¹ A hwa ijòwa hvɛ nanù ema, “Nàtɛ̀ɛ na nàŋgɛ e rza òhvi lì rzɔ̀ŋgìtɛ̀nɛ̀ e?”

Makòrzì 8:21 Mawu Ofanana

Makòrzì 6:52

Hwà-òkòwèlì hwà mà tàmà èhwanja, wɔ̀ hwa rzi rzɔ̀ŋgìtɛ̀nɛ̀ jànda ja mànyakà mà eyà ema Yerzù a lìrzɛyi hwèkòlì hwèta hwe hwatò. Hwà-òkòwèlì hwa eni hwa rzi tanɛ̀yi lì ayèmbɛ.

Makòrzì 8:12

A ma rzìyòwa hvɔ̀ɔ̀ rzìi a òhwa nanù ema, “Mamɛ ndèŋgàtɛ̀ ene nyɔ̀ŋgɔ̀nì ya arza embànèlì e? Nà e òhweyà e jɔ̀kɛ̀, nà rza e uŋmɛ̀lɛ̀ tɔ̀ embànèlì.”

Makòrzì 8:17

À ma hwiyà mamɛ hwà mà hwɛ lì òhwa, rzìi a hwa ijòwa nanù ema, “Mamɛ ndèŋgàtɛ̀ e òhwa lì hvòmɛ̀nɛ̀ ema è rza òhvi tɔ̀ hwèhvòòtò e? Nàtɛ̀ɛ na nàŋgɛ è rza hwi tɔ̀ lì rzɔ̀ŋgìtɛ̀nɛ̀ e? Mamɛ ndèŋgàtɛ̀ mèèmà me anyu me eti e?

Makòrzì 8:22

Yerzù nà hwà-òkòwèlì hwa eni hwa mà jà ò Bɛ̀trzàyìdà. Àŋga ndi lòŋgò la hwatò hwà mà jàne mòtò mɔ̀kɔ wa ndima rzìi hwa rzòrzòmeya Yerzù hwa ama a mò hwàkɛ lìya la eni.

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

1 Kɔ̀rintìyà 15:34

È timbe o mahwiye ma anyu ma jɔ̀kɛ̀, e rzìi gbeyà wòhwe hvɛ. Lòŋgò la anyu e rza hwi Lohwɛ̀. È hwɛnì ndi lì oka ìrzɔnì na oma na ohwa ene eyà.

1 Kɔ̀rintìyà 6:5

Nà ohwà ndi nanù o lì è o òkirzɛ ìrzɔnì. Ò jɔ̀kɛ̀ o hwèlì mòtò mɔ̀kɔ o mitèlì me ànyu ema à ohvi lìhwiyè, ema à tànɛyi lì è rzɛŋgɛnɛ meyaŋgo me anyu me hwatò hwa Krirztò.