Makòrzì 8:17 - Mokpwe: Bakwery (New Testament)

¹⁷ À ma hwiyà mamɛ hwà mà hwɛ lì òhwa, rzìi a hwa ijòwa nanù ema, “Mamɛ ndèŋgàtɛ̀ e òhwa lì hvòmɛ̀nɛ̀ ema è rza òhvi tɔ̀ hwèhvòòtò e? Nàtɛ̀ɛ na nàŋgɛ è rza hwi tɔ̀ lì rzɔ̀ŋgìtɛ̀nɛ̀ e? Mamɛ ndèŋgàtɛ̀ mèèmà me anyu me eti e?

Makòrzì 8:17 Mawu Ofanana

Matiyò 12:15

Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ.

Matiyò 15:17

È rza rzɔ̀ŋgìtɛ̀nɛ̀ e? Tɔ̀ ima yòma e ma e kpèelì ò wàna ya mòtò, e ɔ̀ndɔ̀ ò lùùŋga la eni, rzìi e wurza ò nyò ya eni.

Matiyò 16:7

Hwà-òkòwèlì hwa eni rzìi hwa òhwirzɛnɛ mɔ̀kɔ nà ɔ̀nɛyi nanù ema, “À òhwa ndi nanù èhwanja i rza jànì tɔ̀ èhvòòtò.”

Makòrzì 16:14

O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Makòrzì 2:8

O wòtɛmɛ̀tɛmɛ̀ Yerzù à mà hwiya ò ŋmèma mò eni ema nanù ndi hwanù hwatò hwa hwèlì lì lùteyà ò mèèmà me awu. Rzìi à hwa ijòwa nanù ema, “Mamɛ ndèŋgàtɛ̀ è lùteyà nanù e?

Makòrzì 3:5

À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

Makòrzì 6:52

Hwà-òkòwèlì hwà mà tàmà èhwanja, wɔ̀ hwa rzi rzɔ̀ŋgìtɛ̀nɛ̀ jànda ja mànyakà mà eyà ema Yerzù a lìrzɛyi hwèkòlì hwèta hwe hwatò. Hwà-òkòwèlì hwa eni hwa rzi tanɛ̀yi lì ayèmbɛ.

Makòrzì 8:16

Rzìi hwa àwòhwànɛ̀lɛ̀ mɔ̀kɔ nà ɔ̀nɛyi nanù ema, “À òhwa ndi nanù èhwanja ì rza òhvi tɔ̀ èhvòòtò.”

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Yòwanìrzɛ̀ 16:30

O naŋgɛ, irzɔ i hwi ema ò hwi hweyà hwe arzɛ, ò èŋgànɛ̀lɛ̀ ò wa ò rza lùwa tɔ̀ mòtò ema a ò ijòwa miijòwelì. Ène eyà yɔ yiti, e jò gbe irzɔ i lòkɛ̀ ema ò wa ò ma uwɛ̀lɛ̀lɛ̀yi ndi òma Lohwɛ̀.”

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.