Makòrzì 8:13 - Mokpwe: Bakwery (New Testament)

¹³ Rzìi à hwa lìya aŋga a tìmba ò tenì ya wɔ̀lɔ̀ wò ndɛ̀nɛ rzi a aka a ɛ̀ndɛ ò ɛnɛyi èhvarzù ya yùlu.

Makòrzì 8:13 Mawu Ofanana

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Matiyò 7:6

O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

Makòrzì 8:12

A ma rzìyòwa hvɔ̀ɔ̀ rzìi a òhwa nanù ema, “Mamɛ ndèŋgàtɛ̀ ene nyɔ̀ŋgɔ̀nì ya arza embànèlì e? Nà e òhweyà e jɔ̀kɛ̀, nà rza e uŋmɛ̀lɛ̀ tɔ̀ embànèlì.”

Makòrzì 8:14

Nà òmà Hwà-òkòwèlì hwa ama Yerzù hwà mà ɛ̀ndɛ ò lì kpèeyà ò wɔ̀lɔ̀, hwà mà hvòŋga lì òhva hwèhvòòtò. Hwà mà òhva ndi ehvòòtò yɔ̀kɔ mɛnɛ.

Lukàrzɛ̀ 8:37

Hwatò hwa arzɛ hwa erzòòkà ya Gɛ̀ràrzɛ̀nì rzìi hwa òhweyà Yerzù nanù ema, a ànjìyè ò erzòòkà ya awu èhwanja wɔ̀ɔŋgɔ̀ wò mà hwa aka. Yerzù rzìi a kpèeyà ò wɔ̀lɔ̀, a tìmba è ya eni.

Yòwanìrzɛ̀ 12:36

È lòkɛ̀ ŋmàye, nàŋgɛ ema mò hwèlì na inyɔ, aŋga nanù e hwɛ ndi hwàanà hwa ŋmàye.” O mburza hwèyòhwèlì hwe ama Yerzù, rzìi a anjiya aŋga, a ɛndɛ lì utàmà èki ema hwa rzìi tànɛyi lì mò ɛnɛ.

Yòwanìrzɛ̀ 8:21

Yerzù à mà hwa òhweyà hvɛ ŋgèlì hvɔ̀kɔ nanù ema “Imba, nà ò ɛ̀ndɛ è yà ami, ndèŋgànɛ̀lɛ̀ è ò nò arza, ndèŋgàna è ŋwèeyà ò wòhwe wò anyu. Èki ema nà ɛ̀ndɛ, è rza tànɛ̀yi lì jà”

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

Hwègbèèlì 27:2

Irzɔ i ma kpèeyà ò tenì ya melì me ŋmànja ò mbòwa ya Adramitiyumi. Meŋge melì me ŋmànja me ma wòŋgirzɛnɛ ò lì ɛndɛ lì uka ò e rzàawà ya ŋmànja mò erzòòkà ya Èrzìyà. Rzìi i wòteyà lì ɛndɛ yɔ̀ndɔ ya ŋmànja. Ndèŋgana irzɔ je anjiya aŋga, i ma wòwa Arìrztàkùrzì. Arìrztàkùrzì à mà hwɛ ndi mòtò wa erzòòkà ya Màrzèdonìyà, ema à mà uwɛ̀lɛ̀lɛ̀yi ò mbòwa ndɛnɛ ya Tɛ̀rzàlònìkà.