Makòrzì 7:37 - Mokpwe: Bakwery (New Testament)

³⁷ Tɔ̀ ima mɔ̀ ema a mà hwèya hwenè hweyà a mà hwe tameya rzayì-rzayì, rzìi hwa òhwà nanù ema, “A gbèyi hweyà hwe arzɛ gbamù. A gbeyà hvɛ hwetòòtò hwe hweyà, ìmbùke hvɛ jò òhwa.”

Makòrzì 7:37 Mawu Ofanana

Matiyò 9:32

Hwaŋga hwatò hwahwàkɛ ema Yerzù à mà wɔ̀wìrzɛ̀hwɛ̀ rzìi hwa anjiya aŋga òma. Nà òma hwa mà anjiye, hwatò hwa ma jàneyà Yerzù mòtò mɔ̀kɔ ema à mà hwɛ mbuke èhwanja èlìŋgɛ̀ ya wòhwe e ma mò hwɛ ò tenì.

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 2:12

À mà tɛ̀mɛ̀ rzìi à wòwà lìkɔ̀kɔ̀ lì eni à anjiya ò èŋge ndawò ò hwɛ̀ɛ̀nèlì hwe hwaŋga hwatò hwa arzɛ. Ène eyà è mà tàmìrzɛ̀ hwatò hwa arzɛ rzìi hwa eka Lohwɛ̀ hwa òhwa nanù ema, “Ì rzi ɛni ène nyàyi yà eyà!”

Makòrzì 4:41

Hwa mà jeja nà wɔ̀ŋgɔ̀ wòndɛnɛ rzìi hwa ìjòwànɛ̀ mɔ̀kɔ nà ɔ̀nɛyi nanù ema, “Njɛnɛ hvɛ ònò e? Èma è mbɛ̀hvɛ̀nì nà hwèmùnɛ̀ hwe mò hweyànà e?”

Makòrzì 5:42

O wòtɛ̀mɛ̀tɛ̀mɛ̀ òŋgò ŋmanà rzìi a tɛ̀mɛ̀, a wòteya lì ɛ̀ndɛ èki ya arzɛ. (A ma hwɛ ndi lìyòmɛ̀ la meya na mehwakɛ.) È ŋgìndì yà hwatò ya arzɛ e ma jeja.

Makòrzì 6:51

Nà òmà à mà kpèeyà ò tenì ya wɔ̀lɔ̀ lì hwa ùŋmanɛlɛ rzìi muulì mò wɔ̀tɔ̀meya. Hwà-òkòwèlì hwa arzɛ̀ hwà mà ònda na hwètàmirzelì.

Makòrzì 7:36

Yerzù rzìi a hwa kòkòwɛ̀lɛ̀ nɔ̀ke-nɔ̀ke ama hwa rzìi keka lì òhweyà tɔ̀ mòtò ene eyà, ndi tɔ̀ nɛ à mà òhwe nanù, wɔ̀ hwà mà hwatɛ ndi o lì òhwa nanù mɛnɛ.

Makòrzì 8:1

Ò ìtììtènì ja mèŋge mèènyà, è hvɛhvɛ ŋgìndì ema jèeyà Yerzù. Kanatɛ hwa rza òhvɛ tɔ̀ yòma ya lì làa, Yerzù rzìi a hwɛlɛ hwà-òkòwèlì hwa eni, rzìi a hwa òhweyà nanù ema,

Lukàrzɛ̀ 23:41

Ì rzɔ ja àŋgàmɛ̀nɛ̀yi lì ŋwa, ò hweyà hwe arzu hwe wòhwe ema ì gbèyi. Ò nò mòtò a rza gbèyi tɔ̀ eyà ya wòhwe.”

Hwègbèèlì 14:11

È hvònda e ŋgìndì e ma ɛnɛ eyà Pàwolò a gbèyi, hwà mà tɛ ò mbɔrzi ya hwatò hwa Lìkònìyà nanù ema, “Mòhwà ma mà jà ò rze ndèŋganɛlɛ hwà mà timba hwatò hwa hwènàmà ò lì jò òŋgòwànà.”