Makòrzì 7:24 - Mokpwe: Bakwery (New Testament)

²⁴ Yerzù à mà anjiya ò èŋge erzòòkà rzìi a ɛ̀ndɛ ò erzòòkà ema e ma kòmbɛ̀nɛ̀ e mbòwà ya Tàyi na Rzidònì. À ma kpèeyà ndawò hvɔ̀kɔ ema à rzì arze nanù ema tɔ̀ mòtò tɔ̀ mɔ̀kɔ a hwìye nanù ema mɔ̀ à hwèlì aŋga. Ndi tɔ̀ nanù, hwatò hwà mà hwiya ema a hwèlì aŋga.

Makòrzì 7:24 Mawu Ofanana

Matiyò 11:21

ò lì òhwa nanù ema, “Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwa ma wɔtɔ̀ màatù ma màyɛ̀ɛhwɛ̀, rzìi hwa akòmɛ hvɛ lìwù ò inyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Matiyò 9:28

Nà òma Yerzù à mà kpèeyà ò tenì ya ndawò iŋgi ndima ja hwatò ja ahwakɛ ima mò jèeyà. Yerzù rzìi a hwa ijòwa nanù ema, “È lòkɛ̀yi ema na tànɛyi lì e gbèeyà mamɛ e arza ema na gbeyà e?” Hwa ma mò alàhwɛ̀ nanù ema, “Ɛ̀ɛ, Rzàŋgò i lòkɛ̀yi.”

Makòrzì 2:1

O mburzà yà ŋgùrzù jà mèènyà, Yerzù à mà tìmba hvɛ ò mbòwà yà Kàpɛ̀nàwɔ̀mì, hwatò hwa mà hwèya nanù ema à mà jà ò mbòwà.

Makòrzì 7:23

Hwenè hweyà hwè arzɛ hwe wòhwe ndi hwe wùrza mòtò ò ŋmèma, rzìi hwe mò gbeyà a rza ɛneya wòrzaŋgi ò wòrzò wò ama Lohwɛ̀.”

Makòrzì 7:25

Mòlanà mɔ̀kɔ ema e ŋmanà wà eni wa mòlanà à mà hwɛnɛ èlìŋgɛ̀ ya wòhwe, à mà hweye nanù ema Yerzù a hwèlì aŋga, lìwòkìmɛnɛ, rzìi a ɛ̀ndɛ, a kpa ò mataŋgà mà eni.

Makòrzì 7:31

Yerzù rzìi anjiya ò èŋge erzòòkà ya Tàyi rzìi a akeeya ò Rzidònì rzìi a ɛ̀ndɛ ò tòŋgòŋgò ya yùlu ya malìhwà mà Galìlì, rzìi a kpèeyà ò erzòòkà ema e ma òhva lìyòmɛ̀ la Mambòwà.

1 Tìmotì 5:25

Nànù mɛnɛ hvɛ ndi loŋgo la hwatò hwa gbeyà hweyà hwe gbamù ema hwe hwiyɛnɛyi na hwatò hwa arzɛ. Loŋgo la hwatò hvɛ hwa gbeyà hweyà hwe gbamù o jututa ema hwatò hwa rza hwiya natɛ̀ɛ hwa arzìirzɛ̀.