Makòrzì 7:22 - Mokpwe: Bakwery (New Testament)

²² Mòrzònje mò ndawò ya lìhwa, lì hwɛ wɔ̀, na lì gbeyà la hwehvɛhvɛ hweyà hwe wòhwe nàa ìilɔ̀ki, ìndɔ̀ki ja hweyà, merzàmbelì, ò lì òhwìrzɛ̀nɛ̀ mòtò wòhwe, e kumbà na lì gbeyà hwèètì hwe hweyà.

Makòrzì 7:22 Mawu Ofanana

Matiyò 20:15

O èŋgànɛ̀lɛ̀ na rza òhvi tɔ̀ wònjà ò lì gbeyà mamɛ na lìŋgàni lì gbeyàna e wa ami wòlì e? Ŋga ò nò nònelì ndi èhwanja na enji e?’

Matiyò 6:23

Ndi lìirzɔ̀ là aŋgɔ̀ lì rza rzɛŋgi tɛ, è nyò yà aŋgɔ̀ ya arzɛ è ònda ndi nà jìtìtì. È hwèlì tɛ ema yòòma ema ò gbeyà ò ɛnɛ yɔ̀ ndi è ò ika ò tenì yà jìtìtì, aŋga nanù, iŋgi jìtìtì ema o ò hwɛ ò tenì, jò ò hwɛ ndi jìtìtì ndɛnɛ.

Makòrzì 7:21

Èhwanja ò tenì ya mèèmà me hwatò ɔndi màlùtèyà ma wòhwe nàa e ma mòrzònje, lì ihwà na lì òŋwa hwe uhwɛlɛlɛ.

Makòrzì 7:23

Hwenè hweyà hwè arzɛ hwe wòhwe ndi hwe wùrza mòtò ò ŋmèma, rzìi hwe mò gbeyà a rza ɛneya wòrzaŋgi ò wòrzò wò ama Lohwɛ̀.”

2 Kɔ̀rintìyà 10:5

I hwe gbeyàna hvɛ o lì wuulɛ tɔ̀ ima johwi ja lì ayèkirzɛ̀, ema hwa ohwa ema i gbeyà ema hwatò hwa rza hwiya Lohwɛ̀. I gbeyà hwatò ò lì tikowa màlùtèyà ma awu aŋga nanù màlùtèyà ma awu ma arzɛ ma o hwɛ ndi nàa Krirztò a arza ama mà hwɛ.

1 Pètrò 2:15

È hwèlì ndi hwètɛ̀yirzèlelì hwe ama Lohwɛ̀ nanù ema, lì akeyà na hwègbèèlì hwe anyu hwe gbamù ema e gbeyà, e hwɛni lì tɛmirzɛ e mbɔrzi ya ŋgundu ema hwatò hwa èèti hwa ohwa o lì e teŋgɛ̀nɛ̀.

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”